Ib tug Leej Phauj Is Ntias thiab nws niam raug ntes, vim ntawd thuam lwm txoj kev teev hawm

Hnub tim 6 lub 6 hli 2023 no, Leej Phauj Kerketta raug ntes, vim nws thuam lwm txoj kev teev hawm. Yog thawj zaug uas nws rov mus xyuas nws tsev neeg tom qab nws cov hauj lwm tiav tas nyob hauv lub nroog Chhattisgarh, nyob Is Ntias teb. 

Thaum lawv tab tom ua thaj txi Ntuj ua Tswv Ntuj tsaug nyob hauv cov Leej Phauj lub tsev, mas tus Leej Phauj uas yog nws tus thawj coj thiab 3 tug Leej Phauj raug ntes coj mus kaw nkuaj.

Tus thawj Leej Phauj thiab cov Leej Phauj uas raug ntes, lawv raug lub txim tias thuam lwm txoj kev teev hawm thiab lawv nyiag kho mob. Cov neeg ntseeg hais tias : lub sij hawm lawv teev Ntuj, mas muaj cov neeg txheeb ze, cov phooj ywg thiab coob leej neeg tuaj sib koom teev Ntuj thaum yuav tsaus ntuj. Lawv tsis kam lees txais lub txim uas raug liam. Ib tug Leej Phauj laus hais rau Matters India tias : 

“Leej Phauj Kerketta cog lus thawj zaug nyob hauv lub nroog Ranchi uas yog lub nroog loj tshaj hauv lub xeev Jharkhand 6 lub hlis ua ntej no. Ces nws tuaj yeem rov qab mus hauv nws lub zos Balachhapar, yog ib lub zos nyob hauv Jashpur. Tom qab nws kawm lus Aas Kiv thiab lus His Ntus tiav.” Tus Leej Phauj hais tias cov Leej Phauj no tsis tau kho mob thiab tsis tau qhia kev ntseeg. Leej Phauj Kerketta thiab nws niam nrog 3 tug Leej Phauj raug ntes los ntawm txoj cai hloov pauv poj niam txiv neej nyob hauv lub xeev. Tus thawj coj kev ntseeg nyob Jashpur hais tias : lawv 5 leeg raug ntes coj mus kaw ib hmos nyob hauv cov tub ceev xwm lub tsev, thiab tom qab ntawd lawv raug coj mus nce tsev txiav txim thiab raug kaw nkuaj.

Ib pab neeg li 20 leej nkag mus hauv Leej Phauj tsev, lawv npuaj nws niam ntsej muag thiab nug ntau yam txog kev ntseeg. Lawv dua ntawv Ntshiab, rhuav tej chaw taws tswm ciab thiab tu txoj saw Mab Liab.