Is Ntos Nes Xias Space X tso hnub qub cuav kom tau sib txuas nrog tej qhov chaw nyob deb ntawm cov teb chaws thiab Internet.

Kev tua SATRIA-1 mus nyob saum nruab ntug tiav lawm. Lub hnub qub cuav no yog Is Ntos Nes Xias lub Koom Haum sib xa xov tsim nyob Fab Kis teb, thiab peev nyiaj txiag yog 450 plhom US dos las. Tsoom pej xeem Is Ntos Nes Xias 2 hauv 3 leeg tuaj yeem nkag rau hauv Online tau, tab sis kev sib txuas no raug txwv nyob hauv cov pov txwv sab hnub tuaj. Hnub no Is Ntos Nes Xias teb lub hnub qub cuav SATRIA-1 xa mus nyob saum nruab ntug tiav, yog lub Koom Haum Space X ntawm ib tug neeg nplua nuj hu ua Elon Musk, nws xav ua kom kev txuas Internet mus rau tej qho chaw deb ntawm lub teb chaws sib txuas tau. 

Lub hnub qub cuav sib xa xov Geostationary no yog kev xa ntawm Rocket Falcon 9, hauv qhov chaw xa Cape Canaveral Space Force Station nyob Florida, As Mes Lis Kas teb. Peev nyiaj txiag tsim yog 450 plhom US dos las, tab sis qhov kawg ntawm peev nyiaj txiag tsim ntshe yuav yog 540 plhom US dos las. Ces tsoom pej xeem 2 feem 3 ntawm tas tsoom pej xeem Is Ntos Nes Xias 280 plhom leej tuaj yeem nkag txog Internet, tab sis kev sib txuas raug txwv nyob hauv cov pov txwv sab hnub tuaj ntawm lub teb chaws, vim qee yam vam meej tsis txaus.

Technology hnub qub cuav yuav pab kom kev txuas Internet mus txog tej qhov chaw deb Internet mus tsis txog uas yog Fibre Optics nyob hauv 10 xyoo tom ntej. Tus pwm tsav Mahfud MD fab kev tseev tsim, fab txoj cai thiab fab kev ruaj ntseg nyob Is Tos Nes Xias teb ua tus hais cov lus no. 

Lub hnub qub cuav no yuav khiav ncig thiab nyob siab ntawm cov xeev sab hnub tuaj thiab Pas Puas. Yuav xa Internet rau 50,000 qhov chaw raws li tseem hwv teeb tseg. Is Ntos Nes Xias tus Txoov Tim Tswv  Joko Widodo hais nyob hauv Twitter tias : SATRIA-1 yuav tsim Digital kom sib npaug rau txhua tus nyob thoob lub teb chaws.