Is Ntias teb, cov neeg ntseeg hauv lub xeev Npees Nkos sab hnub poob yuav loj hlob thiab vam meej

“Kuv rov los zoo siab dua ib zaug”, Rettig uas nws yog tus thawj coj ntawm cov hauj lwm Aid to the Church in Need’s (ACN) hauv qee thaj tsam nyob Is Ntias teb hais tias : tom qab uas nws rov ntawm lub xeev Npees Nkos sab hnub poob los, “nws pom tias cov neeg ntseeg muaj kev lom zem thiab kev cia siab. Hauv lub thaj txi Ntuj muaj cov neeg ntseeg hu nkauj thiab ntaus paj nruag. Nyob ntawd, kuv pom tias kev ntseeg yog kev sov siab, vim muaj neeg mus teev Ntuj puv tsev nkaus”.

Is Ntias teb yog ib lub teb chaws uas muaj kab lis kev cai ntau heev, txoj kev ntseeg nyob Is Ntias teb yog los ntawm Leej Ntshiab Tos Mas los, yog thawj zaug nyob hauv tiam ib yuav tas. Tom qab uas Leej Ntshiab Tos Mas nqes nkoj nyob Malabar ze lub qub tshav nkoj nyob Muzaris (Cranganore).

Tam sim no cov neeg ntseeg yog 3 feem pua ntawm tas tsoom pej xeem nyob thoob lub teb chaws. Txawm li cas kuj xij, qee thaj tsam nyob Is Ntias kuj tseem muaj teeb meem hais txog kev ywj pheej ntawm kev teev hawm. Qee lub xeev raug tso cai hais txog kev hloov kev teev hawm. Nyob hauv lub xeev Npees Nkos sab hnub poob kuj tsis muaj kev tiv hais txog hloov kev teev hawm. Rettig hais ntxiv tias : nyob hauv lub xeev Npees Nkos sab hnub poob yog muab piv nyob thoob lub teb chaws, mas pom tau tias tau txais kev ywj pheej ntawm kev teev hawm zoo dua lwm qhov. Vim pom tias kev ua ub ua no nyob hauv cov kev teev hawm nws sib luag zos. Li cas kuj xij, kev ywj pheej hauv kev teev hawm xyoo 2021 ntawm ACN hais txog kev tiv txog hloov kev teev hawm tau txais lus tso cai ntawm cov His Ntus tej lus thov, ces xav tias cov His Ntus tab tom raug cuam tshuam los ntawm kev loj hlob los ntawm lwm txoj kev teev hawm. 

Yog li ntawd, txoj cai tiv kev teev hawm tsis muaj feem cuam tshuam rau cov haiv neeg tsawg hauv lawv lub xeev. Ntawv xov xwm tshaj tias : cov Mawv Xis Lim thiab cov neeg ntseeg tau txais kev cuam tshuam me ntsis, vim ob txog kev teev hawm no tau ua tej yam hais txog kev tshaj lawv txoj kev teev hawm.

Dhau ntawm txoj cai tiv kev hloov siab tshiab, nyob hauv lub xeev Npees Nkos sab hnub poob lub Koom Txoos vam meej ua ntu zus los ntawm cov tswv yug yaj. Kev muab siab rau ntawm cov Txiv Plig, pom tau tias cov Txiv Plig thiab cov Leej Phauj thiab cov neeg ntseeg qee leej yog los ntawm lawv txoj kev ntseeg uas pib los. (BEC) yog pab neeg ntseeg tsawg tsawg uas muaj tus cag ruaj khov lawm ntawm Tswv Ntuj cov Lus thiab lub Cim Yug. Kev ua hauj lwm tshaj Ntuj Lus ntawm lawv yog qhia kev ntseeg thiab pab cov neeg zej zog nyob ib puag ncig lawv.