Muaj neeg tuag los ntawm cua daj cua dub nyob Is Ntias qaum teb ze 100 leej, ces lub Koom Txoos thiaj cev tes pab.

Dej nyab thiab toj pob ua rau lub xeev Himachal Pradesh tau txais kev kub ntxhov loj
kawg, vim tus niam dej Yamuna nyob New Delhi huam loj heev.
Tsoom pej xeem tab tom raug kev kub ntxhov, yog tias lawv xav tau txhiam xws noj,
mas lawv yeej yuav tau txais kev pab xwb.
Tus Tswv Qhia nyob Simla-Chandigarh hais rau rooj ntawv xov xwm AsiaNews hais
tias : “Peb tau thov kom peb cov tsev kho mob npaj tshuaj mus pab tsoom pej xeem
uas lawv raug mob”.
Muaj neeg tuag ze ntawm 100 leej nyob Is Ntias qaum teb, vim dej nyab loj heev nyob
hauv lub xeev Himachal Pradesh 3 hnub dhau los.
Lub lis piam tag los muaj nag xob nag cua los loj heev, ces ua kev piam sij loj kawg
thiab ntau tus niam dej phwj los nyab News Delhi. Tus niam dej Yamuna nce siab li
207 mev, ces cov tub tseem hwv thiaj maj zeeg sab laj txog kev pab tsoom pej xeem.
Tsoom pej xeem 300 leej, feem coob yog cov neeg ncig tsham teb chaws tseem khuam
nyob saum cov ncov roob siab hauv lub xeev Himachal Pradesh, vim muaj nag thiab
daus npu los tsis tu ncua.
Tab txawm tias nag yau zog lawm, tsis kav kuj muaj neeg tuag 15 leeg nyob hauv lub
xeev Punjab thiab Haryana. Saum cov ncov roob hauv lub xeev Uttarakhand uas
nyob sib ze, cov neeg tsim koob hmoov kuj tuag 9 leeg thiab 13 leeg raug mob sab,
vim toj pob thiab pob zeb ntog los tais.