Ib tug poj ntsuam uas nws yog neeg ntseeg raug mos deev thiab raug tua tuag nyob hauv lub nroog Lahore, vim nws tsis kam hloov siab

Shazia uas nws yog ib tug poj ntsuam neeg ntseeg hnub nyoog 40 xyoo, nws raug 4 tus txiv neej Mawv Xis Lim ntes mus thiab mos deev, tom qab deev tag lawv muab nws tua tuag. Vim nws tsis kam hloov siab los txais txoj kev teev hawm Islam thiab nws tsis kam yuav tus txiv neej uas tsom ntsoov nws.

Mani Gujjar yog tus neeg uas raug xav tias tus poj niam tuag ntawd yog nws tua, vim tus poj niam tsis kam ua raws li nws nyiam. Nws thiab lwm tus neeg thiaj sib koom muab tus poj niam ntawd mos deev thiab tua pov tseg, tom qab ntawd lawv tseem siv ib co kua tshuaj los ywg tus poj niam ntawd lub cev kom piaj sij mus.

Shazia ua hauj lwm nyob hauv ib lub tsev tu cov me nyuam yaus nyob hauv Lahore University. Nws tau ntsib thawj tug txiv neej uas yog tus tam sim no luag xav tias yog tus tua nws tuag. 

Hnub tim 6 lub 6 hli tag los, tsis pom Shazia rov ntawm chaw ua hauj lwm los tsev, ces nws tsev neeg thiaj sib pab nrhiav, tab sis lawv nrhiav tsis tau. Hnub tom qab, lawv thiaj mus hais qhia cov tub ceev xwm. Lawv ntxhov siab, vim Shazia thiab nws tsev neeg ntseeg tias Shazia tus txiv tsis yog raug lwm cov neeg phem muab ntaus tuag 18 lub hlis ua ntej no raws li cov tub ceev xwm hais. Qhov tseeb tiag Shazia tus txiv tuag kuj yog tib pab neeg uas tua Shazia tuag thiab.

Kev tua neeg thiab mos deev cov poj niam kheev kheev tshwm sim yam suav tsis txheeb, vim yog xav quab yuam kom hloov kev ntseeg. Yog tshwm sim rau cov poj niam uas yog tej haiv neeg tsawg thiab cov nyob Pas Kis Taas teb.

Shazia txoj kev tuag, kuj yog vim nws tsis kam hloov siab los teev cov Islam, ces ua rau sawv daws rov qab ceeb thiab ntshai dua. Ua rau cov neeg ntseeg chim thiab lawv tawm tsam khaj cai nyob hauv lub teb chaws. 

Shazia cov kwv tij hais tias : Shazia tau piav rau nws tus niam hlob hais txog qhov Mani Gujjar quab yuam nws, xav kom nws hloov kev ntseeg thiab cia li yuav Mani Gujjar xwb. Nadia Stephen tus hais cai tiv thaiv cov poj niam hais tias : 

nws ntseeg tias cov poj niam thiab cov me nyuam ntxhais uas yog haiv neeg tsawg tab tom poob nyob hauv txoj kev ntshai no. Lawv tsis tsim nyog raug ntes, raug mos deev thiab raug tua pov tseg, vim tib qho lawv tsis kam hloov lawv txoj kev teev hawm.