Cov tsev kawm ntawv nyob hauv lub xeev Minnesota, tau txais lus tso cai kom qhia thiab kawm txog cov haiv neeg nyob hauv xyoo 2026 thiab 2027

Nyob Minnesota thaum lub 5 hlis yuav tag, hauv kev sau txoj cai kev kawm ntawv ntu kawg, mas cov nom tswv tau tuav xam thiab kheev kom siv txoj cai HF 1502 uas tso cai qhia thiab kawm txog cov haiv neeg tej keeb kwm nyob hauv cov tsev kawm ntawv me nyuam yaus mus txog qib nrab. 

Tus sawv cev ntawm Samantha Sencer Mura, hauv pab nom Democratic Farm Workers Party yog tus ntaus thawj ntawm kev sau txoj cai no, thiab twb tau dhau 2 lub rooj sab laj tag los lawm.

Txoj cai no yog los ntawm cov tub koom tes hauv zej zog Hmoob thiab cov tub ntxhais hluas Hmoob. Lawv hais qhov tseeb tseeb thiab koom nrog lwm haiv neeg coob leej. Lawv hais tias lawv ntsia tsis pom lawv tej kab lis kev cai nyob hauv cov tsev kawm ntawv, lawv ntsia tsis pom lawv tej keeb kwm uas yog lawv ntiag tug hauv tej tsev kawm ntawv li. Cov lus no yog Sencer Mura ua tus hais. 

Zaum no, peb tau hnov lub suab ntawm cov tub kawm feem coob tuaj hauv lub nroog. Cov tub kawm hais txog kev paub muaj zog npaum cas. Nod yog qhov kev kawm uas peb xav tau kom peb paub txog thiab kawm tiav hais txog ntau yam nyob hauv lub ntiaj teb no. Cov tub kawm hais cov lus no rau tus nom sawv pej xeem cev hauv lub xeev thiab lub rooj pwm tsav. 

Tus nom sawv pej xeem cev hais tias : txoj cai no hais meej meej txog txiaj ntsim qab hau ntawm cov tub kawm Hmoob nyob thoob plaws hauv lub xeev. 

Nws hais ntxiv tias : muaj ntau lub tsev kawm ntawv nyob hauv lub xeev twb tau qhia fab kab lis kev cai thiab kev kawm lus Hmoob lawm. Sencer Mura ntawm tus kheej lub cheeb tsam 63-A hais tias : Minneapolis-Saint Paul tau ua tus thawj coj pub kev kawm haiv neeg kom tiav nyob hauv cov tsev kawm ntawv cheeb tsam no. Peb tau hnov los ntawm cov tub kawm cheeb tsam Metro hais tias : 

“Kuv yeej tsis muaj ib qhov sawv cev ntawm kuv, nyob hauv chav kawm tiag tiag li.”

Nyob hauv tsab cai muaj 2 yam sib txawv. Qhov loj tshaj nyob hauv tsev kawm ntawv xyoo 2026 thiab 2027, txhua lub tsev kawm txheej nrab nyob hauv lub xeev yuav tsum qhib qhia txog cov haiv neeg tej kab lis kev cai thiab keeb kwm. Qhov ntawd ua kom cov tub kawm txhua leej nyob hauv lub xeev thiab lwm lub xeev tuaj yeem tau kawm kom paub txog cov haiv neeg. 

Dhau no lawm, tseem txuas nrog cov tub kawm uas tab tom nrhiav txoj kev kawm txog cov haiv neeg. Thiab txhawb nqa yam twb tau ua ua ntej los lawm kom tsheej tiav ua kev kawm tiag tiag nyob hauv cov haiv neeg thiab kev kawm txog tej pab neeg. 

Vim li no Minneapolis thiab Saint Paul cov tsev kawm ntawv thiaj teeb txoj cai kom yuav tsum kawm kev tshawb fawb haiv neeg (Ethnic Studies) ua ntej yuav tiav nyob hauv txheej nrab.