Cov Tswv Qhia nyob Mas Les Xias cog lus tias yuav ua kom cov Cheeb Koom Txoos muaj kev txawj txuag

Tas cov Tswv Qhia nyob hauv 9 lub Cheeb Koom Txoos nyob Mas Les Xias tau sau npe cog lus tias lawv yuav kho kom lawv lub Cheeb Koom zoo tuaj thiab txawj txuag txhua yam nyob ib puag ncig mus ib txhis.

Cov Tswv Qhia tau cog lus tias : lawv yuav ua lub neej nyob hauv fab ntsuj plig dawb huv thiab pab txuag txhua yam nyob ib puag ncig. Lawv yuav txhim kom muaj kev ncaj ncees thiab txhua yam uas taug los yog xoob, raws li lawv daim ntawv cog lus uas sau tseg hnub tim 13 lub 7 hli nyob hauv lub rooj sab laj cov Tswv Qhia Kav Tos Liv, nyob hauv lub tsev Majodi, nroog Plentong, lub xeev Johore.

Raws cov lus cog ntawm Cheeb Koom Txoos pab txuag txhua yam, lawv tseem cog lus tias lawv yuav ua raws kev txo cov pa Carbon thiab tsim zej zog mus raws lub ntiaj teb. Muaj ntaub ntawv soj ntsuam hais txog txhua lub Cheeb Koom Txoos thiab cov tsev teev Ntuj kom hloov ua hauj lwm raws lawv tau sib cog lus. Tas cov Tswv Qhia nyob Mas Les Xias koom tes tiv kev tshwm sim phem nyob ntiaj teb, ces cov Tswv Qhia nyob Mas Les Xias teb, Xees Cas Pos teb thiab Nplus Nes teb, vam thiab cia siab tias txhua lub tsev teev Ntuj nyob thoob lub teb chaws, yuav teeb tsa kom muaj lub pwm tsav kev ncaj ncees ntawm lawv ntiag tug. 

Tswv Qhia Hii uas yog tus thawj coj ntawm ECCJ-MSB hais tias : kev cog lus ntawm cov Tswv Qhia yuav pab txhawb nqa txog kev txuag lub ntiaj teb, txuag peb tej me tub me nyuam. PROTEC ntawm cov kav xwm tau qhib nyob hauv xyoo 2020, thiab yog xyoo 4 ntawm PROTEC cov hauj lwm. Xyoo no yog hais txog kev txo los yog cheem qhov phem los ntawm roj hmab.

Tus kws txuj Maria Lee uas yog tus thawj coj ntawm Majodi Creation Justice kuj koom sau npe nrog thiab. Nws caw kom lub Koom Txoos koom nrog cov Tswv Qhia nyob hauv txoj kev ua hauj lwm, thiab thov Ntuj hauv txhua lub thaj txi Ntuj daws teeb meem huab cua. 

Hais txog PROTEC ntawm ECCJ-MSB tom ntej, yuav hais txog txo kev siv roj a uas haum rau tseem hwv Mas Les Xias txoj cai ‘Decarbonizing Malaysia Project’. Yuav pib siv txij hnub tim 1 lub 9 hlis mus txog hnub tim 31 lub 8 hli xyoo 2024.