NTHUAV NTAWV MOO ZOO HNUB TIM 8/2/2020

LIS PIAM 4 CAIJ NYOB NRUAB XYOOS.
Ua kom mov ntsu tuaj thawj zaug. (MK 6 : 30 - 44)
Cov Hauv Paus Xa Lus los sib sau ncig Yes Xus, lawv piav tas puas tsav yam uas lawv tau ua thiab tau qhia. Ces Yes Xus hais rau lawv tias : "Nej los rau ib qho chaw xu kev tsis muaj neeg, nej so me ntsis."
Vim cov neeg tuaj thiab cov rov mus coob, ces cov Hauv Paus Xa Lus tsis xyeej noj mov. Lawv thiaj caij nkoj mus rau ib qho chaw xu ke, tsis muaj neeg. Tsoom sid pom cov Hauv Paus Xa Lus caij nkoj mus, coob leej twb mem tau lawm. Ces sawv daws khiav ko taw hauv cov nroog tuaj mus. Lawv xub mus txog chaw. Thaum Yes Xus nqes nkoj, nws pom ib pab neeg coob, nws hlub lawv, vim lawv zoo li cov yaj uas tsis muaj tswv zov. Ces Yes Xus qhia lawv ntev loo. 

Nyob rau hauv zaj no peb yuav pom tias, Huab Tais Yes Xus hlub nws cov thwj tim kawg. Kwv tij sawv daws, yog peb ntseeg thiab ua raws li Huab Tais Yes Xus qhia peb, mas peb yuav tau txais kev nplij siab los ntawm Huab Tais. Nws yuav saib xyuas peb txhua lub sib hawm. Nws yuav cia peb so los siav nyob rau hauv nws lub xub ntiag. Ces peb yuav tsis txhawj tsis ntshai dab tsi ntxiv.

Tus nthuav : XH. Xyooj Tuam Lis, Zoo Tswv Zov Yaj