Zoo siab cov tub ntxhais hluas hnub nyob Xes Us.

Zoo siab cov tub ntxhais hluas hnub nyob Xes Us. 

Yog lub caij hais txog tsim kev thaj yeeb thiab ua kwv ua tij nyob As Xias thiab Kos Lim Pej. WYD zaum tom ntej yuav pom lub Koom Txoos Kav Tos Liv nyob As Xias rov los ua  hauj lwm xwm yeem li qub hais txog cov tub ntxhais hluas hnub, tom qab uas muaj tus kab mob sib kis. Kev ua hauj lwm hauv cov tub ntxhais hluas hnub nyob Is Ntias teb raug ncua tseg xyoo 2020. Tam sim no kev sib txuas lus ntawm Vas Tis Kas thiab Kos Lim Naj pib sib tham lawm, ua ntej kev tshwm sim yuav txhab kev lag luam ntawm lub teb chaws ua tswv cuab kom zoo tuaj. Cov tub ntxhais hluas Kos Lim Naj kub siab lug rov qab ntawm Pos Tws Nkas teb mus lawv teb chaws. 
Kev cia siab yog nyob hauv  "Lub caij nplooj ntoos zeeg nyob Kos Lim".
Kos Lim Naj yog lub teb chaws uas muaj cov neeg ntseeg Kav Tos Liv coob tim 2l os ntawm Fis Lis Pees nyob As Xias, thiab yuav npaj ua cov kab ke tub ntxhais hluas hnub nyob ntiaj teb zaum tom ntej no. Vaj Qhia Fas Ntshis Kus tshaj tawm nyob hauv tuam ceeb Lisbon, tom qab lub thaj txi Ntuj cov tub ntxhais hluas hnub zaum tim 37. 
Ntawm tus Tswv Qhia Chung Soon-Taick uas nyob Xes Us, OCD kev sab laj hauv xyoo 2027, yuav qhib rau cov neeg Kav Tos Liv thiab cov neeg tsis yog Kav Tos Liv kom lawv tau sib faib sib koom ua ke nyob rau lub caij no. Cov tub ntxhais hluas coob leej lawv tuaj yeem sib ntsib tim ntsej tim muag, thiab pom tej yam txawv thiab tob hauv cov neeg ntseeg Kos Lim.

Tus Txoov Tim Tswv vam tias yuav tau pom cov tub ntxhais hluas coob coob tuaj thoob As Xias teb tuaj. As Xias teb cov teb chaws feem ntau tsis teev hawm kev ntseeg Kav Tos Liv, cov neeg ntseeg nyuam qhuav pib ntsia pom txoj kev ntseeg hauv lawv lub neej, yog tom qab tus kab mob COVID-19 tshwm sim.
Kev npaj cov tub ntxhais hluas hnub (WYD) zaum tom ntej nyob Xes Us hauv xyoo 2027, vam tias yuav muaj neeg coob thiab kub siab txog. Thiab tau txais cov lus teb zoo siab thiab kev cia siab siab los ntawm cov tub ntxhais hluas Kos Lim Naj txheej tshiab. 
Ces thaum txog xyoo 2027, cov tub ntxhais hluas As Xias thiab cov tub ntxhais hluas nyob thoob ntiaj teb hnub, yuav yog ib lub ntees loj thiab yog tib lub nyob hauv tuam ceeb Xes Us.