Negombo, Colombo, Sri Lanka, hais txog cov me nyuam thiab kev teev hawm. Kev sib tw ntawm tej pab neeg qhib kom tau sib koom ua ke thiab muaj ntau yam sib txawv

Caritas Seth Sarana tsa lub rooj sab laj nyob hauv Maris Stella College, thiab muaj cov thawj coj ntawm kev ntseeg, kev teev hawm Mawv Xis Lim, kev teev hawm His Ntus thiab cov teev hawm Phus Thas sib koom ua ke. Tseem muaj tus pwm tsav fab kev teev hawm ntawm Xis Laas Kas nrog koom lub rooj sab laj thiab. Lub hom phiaj yog sib tuav xam hais txog pib cov hauj lwm tshiab ntawm kev nyob ua ke, tau txais kev txhawb nqa los ntawm txhua txoj kev teev hawm thiab tej pab neeg kom sawv daws ua neeg zoo. Muaj ib tug thawj coj ntawm cov Mawv Xis Lim vam thiab cia siab tias cov hauj lwm no yuav nthuav dav mus thoob lub teb chaws.

Tsis ntev los no, Caritas Seth Sarana tau tsa lub rooj sab laj Maris Stella College nyob Negombo, hauv lub Cheeb Koom Txoos Colombo. Txhib hais txog “kev nyiam kev hlub uas nyob siab tshaj kev teev hawm thiab cov haiv neeg”. 

Lub hom phiaj yog txhawb nqa kev sib tham ntawm cov kev teev hawm thiab tej kab lis kev cai kom sib haum. Kev sib sau no yog kev sib koom tes ntawm cov thawj coj kev tseev tsim thiab txhua txoj kev teev hawm, kom tau sib tuav xam hais txog kev tsim tej yam tshiab ntawm kev nyob ua ke. Ib tug nyob hauv kev sab laj yog tus pwm tsav ntawm fab kev teev hawm thiab kab lis kev cai. Nyob hauv cov lus hais, tus pwm tsav hais txog kev sib tw zim txwv no yog ua kom tshwm sim tej pab neeg uas saib tej kev teev hawm muaj nqis, nyob hauv txhua txoj kev teev hawm thiab txhua haiv neeg. Tsis xyeej tej kab lis kev cai qub ntawm txhua txoj kev teev hawm. Yuav ua kom cov hauj lwm no tiav, peb xav tau kev pab los ntawm cov tsev teev hawm thiab cov tsev teev Ntuj, kom tau ua cov hauj lwm no nyob hauv tej pab neeg, kom ib zeej tsoom neeg ua neeg zoo thiab yeej txoj kev tsis muaj kev sib tso siab.

Dhau ntawm Caritas lub rooj sab laj lawm, cov hauj lwm no tshwm sim los ntawm kev teev hawm thiab kab lis kev cai hauv kev ntseeg, Phus Thas, His Ntus thiab Mawv Xis Lim. Txhua txoj kev teev hawm nyias xyaum kom nyias paub txog lwm txoj kev teev hawm. Cov thawj coj Phus Thas, cov His Ntus, cov Mawv Xis Lim thiab cov ntseeg tau qhia rau cov me nyuam thiab cov tub ntxhais hluas kawm ntawv nyob hauv Hnub Chiv, kom lawv paub txog qhov zoo thiab txawj ua lub neej sib hlub sib hwm, txawj sib faib thiab sib koom ua ib lub siab nyob hauv txhua txoj kev teev hawm.