Cov tub ceev xwm Npees Las Des ntes 34 tus neeg uas lawv cuam tshuam txog cov hauj lwm npaj ua tiv cov tseem hwv.

Muaj cov tub kawm tshaj 30 tawm leej, feem coob yog tuaj ntawm 2 lub tsev kawm ntawv txheej siab nyob Npees Las Des teb tuaj, lawv raug ntes lub lis piam tag los hauv lub nroog Sunamganj, los ntawm kev tiv tseem hwv Npees Las Des. Vim lawv raug ua xyem xyav tias yog cov sib txuas lus nrog Islami Chhatra Shibir, uas yog lub Koom Haum ntseeg tias yog cov tub kawm Npees Las Des. Npees Las Des Jamaat-e-Islami yog pab tub tseev tsim Islam coob tshaj nyob hauv lub teb chaws. 

Hnub tom qab cov tub kawm tej txheeb ze thiaj npaj lub rooj sib hais cov plaub ntawd nyob hauv lub tuam ceeb Dhaka, lawv hais tias cov tub kawm ntawv yog cov dawb huv thiab lawv tsis tau ua txhaum. Ali Ahasan ib tug txiv neej uas raug ntes tus kwv tau hais txog cov xwm txheej hnub tim 29 lub 7 hli tias : cov tub kawm ntawv lawv mus caij nkoj ua si nyob Tangua Haor hauv lub xeev Sunamgang, lawv cov xov tooj siv tsis tau ntev loo. Thaum 8 teev tsaus ntuj, nyob nyob muaj coob leej hu xov tooj los thov lawv tus zauv ntawv taub hau neeg, lawv hais tias lawv raug ntes lawm thiab nyob hauv cov tub ceev xwm lub tsev. Tom qab ntawd, lawv hu xov tooj rau cov thawj tub ceev xwm hauv cheeb tsam thiab cov tub ceev xwm muaj feem cuam saib xyuas, tab sis lawv hu tsis tau li.

Tangua Haor yog cheeb tsam uas muaj dej loj thiab niaj xyoo cov neeg ncig tsham teb chaws mus ncig tsham ntau txhiab leej. Cov tub ceev xwm hais tias : 34 tus tub kawm ntawv ntawd, lawv tsim kev kub ntxhov, lawv muaj feem cuam koom tes nrog cov neeg nyiag tsim kev kub ntxhov, lawv nrog cov jihad ua lawv cov kab ke.

Syed Iftekhar Hossain tus tub ceev xwm uas saib lub tsev Tahirpur hais tias : cov tub ceev xwm tau hnov tej lo lus hais meej thiab ntseeg tau tias : cov tub kawm ntawv no muaj feem cuam koom tes ua tej yam tiv cov tseem hwv tiag.