Vaj Qhia Fas Ntshis Kus hais tias kev muab siab rau txog kev thaj yeeb, kuj yog kev tshaj lub Moo Zoo

Thaum peb nco txog tus tim khawv Hernández Cisneros uas nws yog ib tug neeg Ves Nes Xes Las (Venezuelan), nws yog ib tug kws kho mob ntawm cov neeg pluag txom nyem. Vaj Qhia Fas Ntshis Kus hais tias :  

“Txhob nres nyob ntawm lo lus, yuav cia peb txhais tes qias nyob hauv tej pab neeg, hauv kev lag luam thiab hauv kev tseev tsim nyob hauv peb tiam neeg.”

Tab txawm yog kev muab siab rau tsim kev thaj yeeb, yog kev kub siab ntawm cov tiam lis, kuj yog kev tshaj lub Moo Zoo thiab yog cov neeg ntseeg kev sov siab.  

Vaj Qhia Fas Ntshis Kus hais cov lus no lub caij nws qhia kev ntseeg nyob ntawm lub tshav puam Leej Ntshiab Pob Zeb. Cov lus qhia zaum no yog hais txog tus tim khawv Hernandez Cisneros uas nws yog neeg Ves Nes Xes Las, nyob hauv cov xyoo 1846 txog 1919. Nws tau rov qab ua kom pom nws txog kev kub siab tshaj Ntuj Lus uas Tswv Qhia hais thiab kev qhia kev ntseeg hauv lub lis piam. Yog lo lus muaj lub ntsiab lus ntawm kev tshaj Ntuj lus txog Tswv Qhia Matteo uas nyob Npos Los Yas thiab tus thawj tswj lub rooj sab laj cov Txiv Plig nyob Is Tas Lias. 

Yog cov hauj lwm uas Vaj Qhia tab tom ua los txhawb nqa fab kev ncaj ncees ntawm tib neeg, thiab nrhiav txoj kev thaj yeeb nyob Us Khas Zis Nas teb. 

Tus tim khawv Hernandez Cisneros tus neeg ntseeg uas muaj lub siab zoo thiab sawv daws paub nws nyob hauv “tus kws kho mob hauv cov neeg pluag”. Nws saib Tswv Ntuj cov lus loj dua kev nplua nuj thiab nyiaj txiag. Nws ua lub neej pab cov neeg pluag, cov neeg muaj mob, cov neeg thoj nam thiab cov neeg raug tsim txom. 

Nws tau txoj kev ntseeg zoo los ntawm nws niam. Thaum nws yog tub hluas, nws xav ua Txiv Plig, tab sis yog vim nws lub cev muaj mob. Txawm li cas kuj xij, nws lub cev tsis muaj zog, tsis tau ua kom nws tag kev cia siab. Nws tau ua ib tug kws kho mob uas sawv daws vam khom. Qhov no kuj yog qhov kev kub siab lug tshaj lub Moo Zoo. Nws tsis tau ua raws nws txoj kev npau suav, tab sis nws tau ua raws Tswv Ntuj lub hom phiaj. Muab nws tus piv txwv coj los hais, ces Vaj Qhia thiaj thov kom sawv daws nyias rov nug nyias tus kheej tias : “Kuv yuav ua li cas nyob ntawm Yes Xus xub ntiag nyob hauv cov neeg pluag uas nyob ze kuv, thiab nyob ntawm cov neeg raug kev txom nyem tshaj plaws hauv ntiaj teb no xub ntiag.”