Clement ua 38 lub tsev pub dawb rau cov neeg pluag txom nyem nyob, nyob hauv lub xeev Tamil Nadu

J. Clement hnub nyoog 54 xyoos, nws yog ib tug Kav Tos Liv coj nruj, nws ua 38 lub tsev pub dawb rau cov neeg IRULAR thiab cov neeg pluag txom nyem nyob hauv lub xeev Tamil Nadu thiab lub xeev Kerala. Clement yog nyob hauv lub xeev Kerala, tab sis xyoo 1989 nws tsiv tawm ntawm lub xeev Tamil Nadu uas nyob Is Ntias teb. Nws coj nws poj niam thiab 3 tug me nyuam tawm hauv lub xeev mus. Nws hais tias tib neeg tsim nyog yuav tsum sib pab. Xyoo 2021, nws pib ua 38 lub tsev pub rau cov neeg IRULAR nyob dawb, nyob hauv lub xeev Tamil Nadu. Thiab nws tseem ua ntau lub nyob hauv lub xeev Kerala thiab Andhra Pradesh.

Nws txoj kev npau suav yog xav ua kom tau 100 lub tsev pub rau cov neeg pluag txom nyem nyob. Tswv Qhia Sebastian ntawm lub Cheeb Koom Txoos Hosur tau qhib 34 lub tsev rau cov neeg pluag txom nyem tau nyob thiab. Tswv Qhia qhuas tias nws yog ib tug neeg muab siab rau thiab muaj kev ntseeg zoo nyob hauv kev ncaj ncees thiab kev hlub. Hnub tim 29 lub 4 hlis 2020, nws tau pub medical oxygen 7,000 cubic meters rau cov neeg mob COVID-19 thiab cov neeg pluag txom nyem. 

Dhau no lawm, nws tseem pub txhiam xws noj thiab tej toob xib siv rau 600 tus neeg. Xam cov medical oxygen uas nws pub rau cov nom tswv nyob Tamil Nadu, raug nyiaj li ntawm 12,035 dos las. Nws qhib ntau lub chaw nkaug tshuaj Vaccine tiv thaiv kab mob COVID-19 nyob hauv ntau thaj tsam thiab nws pab them nqi kawm ntawv rau cov me nyuam pluag txom nyem. Txhua txhua xyoo nws qhib cov tsev kho mob dawb rau cov neeg pluag txom nyem uas lawv tsis muaj nyiaj mus kho mob, tau kho lawv tej mob.