Synod muaj lub sij hawm nres thiab sib mloog, tus thawj coj pawg neeg saib xyuas ntaub ntawv.

Hais txog ntawm tus thawj coj pab neeg saib xyuas ntaub ntawv hauv Synod.
Kev sab laj hais txog Synodality hauv lub 10 hli no nyob Los Mas, tsis yog tias muab
lub sij hawm los sib tham xwb, nws tseem yog lub sij hawm nres nyob sib mloog thiab.
Tus kws txuj Dr.Ruffini uas yog tus thawj tswj fab kev xa xov hais tias : lub sij hawm
nyob ntsiag to mloog thiab hwm lub rooj sab laj, tuaj yeem pab tau lub ntiaj teb lwm
yam xws li : kev sib ntaus rog, teeb meem huab cua pauv ntxeev, kev nyob twj ywm
thiab kev sib mloog.
Nws hais txog Vaj Qhia Fas Ntshis Kus cov lus qhua hu, kom muab siab rau mloog
thiab txhob hais lus ntau ntau nyob hauv lub rooj sab laj 4 lub lis piam nyob Los Mas.
Dr.Ruffini xaus cov lus rau ib pab tub xov xwm tias ; tus thawj coj hais tias cov xov
xwm uas lawv tshaj tawm, txhais tau tias yog “kev nres lub sij hawm” thiab “kev
nyob ntsiag to” mloog thiab xav. Zoo xws li phau Ntawv Ntshiab thiab lub Moo Zoo.
Yuav ua cas kom ib lub Koom Haum loj xws li lub Koom Txoos tau nyob ntsiag to hauv
txoj kev ntseeg, hauv txoj kev sib koom tes thiab txoj kev thov Ntuj.
Qhov ntawd kuj yog xov xwm ib yam.
Thaum lub sij hawm hais cov lus xaus, Dr.Ruffini tau piav txog kev ua hauj lwm
ntawm 35 pawg neeg hauv lub rooj sab laj los yog tej pab pawg me. Tam sim no sawv
daws tab tom tuav xam txog nqe lus A ntawm Instrumentum laboris uas hais txog
lub cim kev sab laj hauv lub Koom Txoos, thiab kev sib tham hauv fab ntsuj plig. Nws
hais tias cov neeg tuaj koom ib leeg muaj sij hawm 4 fiab, los qhia txog nws tus kheej
thiab piav txog lawv txoj kev ua hauj lwm nyob hauv tsev teev Ntuj.
Hais txog kev mus ua ke thawj ntu nyob hauv lub rooj sab laj Synodal, thiab hais txog
yuav sib tuav xam zoo li cas ?