Muaj neeg siv tshuaj tua kab ntau ntau nyob thoob ntiaj teb, txawm tias tej ntawd yuav ua teeb meem rau peb lub cev kuj xij

Tshuaj tua kab yog ib hom tshuaj siv los lawv tej kab, rhuav tshem thiab tiv thaiv kom kab txhob noj txhua yam uas yus cog. Tab sis nws kuj ua teeb meem rau kev loj hlob ntawm tej yam yus cog thiab. Tab txawm cov tshuaj tua kab muaj ceem thiab tiv thaiv tau kom kab txhob noj, tsis kav nws xyaw cov tshuaj uas muaj kob lom neeg thiab ua teeb meem rau neeg lub cev mus txog neeg lub paj hlwb. Thawj zaug uas neeg siv tshuaj tua kab yog nyob hauv cov xyoo 1930, kom tau tiv thaiv kab noj qoob loo nyob As Mes Lis Kas teb. Tom qab mas cov neeg ua liaj ua teb tig los siv ntau zuj zus, thiab ua teeb meem rau kev siv zim txwv no. 1 feem 3 ntawm cov tshuaj siv ua liaj ua teb nyob ntiaj teb, yog tshuaj tua kab. Raws kev soj ntsuam ntawm lub Koom Haum WHO hais tias : kev siv tshuaj tua kab nyob thoob ntiaj teb muaj tshaj 1,000 hom tshuaj. Muaj qee hom pom ntau yog nyob hauv cov tshuaj tua nroj 49 feem pua. Tshuaj tua kab mob 27 feem pua, thiab tshuaj tua kab noj qoob loo 19 feem pua. 

Xyoo 1990, cov tshuaj siv tua kab nyob thoob ntiaj teb yog 3 txhiab tawm plhom billion, los yog 1 txhiab tawm plhom kg. Tus zauv nce siab tuaj yog 57 feem pua nyob hauv 20 tawm xyoo dhau los no xwb. Xyoo 2020 cov tshuaj tua kab siv nyob thoob ntiaj teb yog 5 txhiab tawm plhom billion los yog 2 txhiab tawm plhom kg. 

Raws kev tshaj tawm ntawm lub Leej Haum Kuj kev txuag txhua yam nyob ib puag ncig, xav tias kev siv tshuaj tua kab nce siab zuj zus tuaj tas li, vim tib neeg nyob ntiaj teb yuav coob txog 9 txhiab 300 tawm plhom leej nyob hauv xyoo 2050. Ces thiaj yuav tsum muaj kev tsim txhiam xws noj kom ntau ntxiv li ntawm 60 feem pua, kom txuag tau kev tshaib nqhis. Cov kws txuj thiaj xav tias yuav muaj kev siv tshuaj tua kab ntau dua qub tuaj. Raws kev tshawb fawb fab kev ua liaj ua teb ntawm Aws Los Pas, kev tso tseg kev siv tshuaj tua kab, yuav ua rau tej txiv xyoob txiv ntoo piam sij lawm 78 feem pua, thiab kev cog zaub yuav nqes li ntawm 54 feem pua. Kev vam txog tshuaj tua kab ntawm tib neeg, yuav tsim kev puas tsuaj ntau heev rau txhua yam nyob ib puag ncig peb. Xam pom tias kev siv tshuaj tua kab yuav ua rau cov ntxhiab tsw qab hauv tej zib muv thiab ntses salmon tsuag mus. Tsis tas li ntawd, kuj yuav ua rau tej dej ntws muaj kob lom neeg, ua kev piam sij rau tej dej ntws.

Tshuaj tua kab tuaj yeem nkag mus tau rau hauv tej txhiam xws noj uas mus sib sau nyob rau hauv neeg lub cev. Tej yam no yuav tshwm sim ua mob nyob hauv neeg lub nrog cev uas tsis tuaj yeem yuav ua kom nws yaj tau. Vim tsiaj thiab tib neeg tsis tuaj yeem ua tau kom tej tshuaj ntawd yaj mus, ces qee hom tshuaj yuav mus sib sau nyob hauv neeg cov roj ntsha hauv lub cev. Qhov no thiaj yog qhov ua rau neeg lub cev puas tsuaj thiab txaus ntshai kawg.