Kos Lim Naj tsis txaus siab rau qhov uas tseem hwv Suav xa cov neeg Kos Lim Pej ntau pua leej rov qab

Tseem hwv Kos Lim Naj thov kom tseem hwv Suav txhob ntiab cov neeg Kos Lim Pej, tab sis Suav tus pwm tsav txawv teb chaws tsis lees txais cov lus thov, nws hais tias nws yog tus muaj feem cuam saib xyuas txog. Lub Leej Haum Kuj fab saib xyuas tib neeg kev ncaj ncees nyob Kos Lim Pej hais tias ; cov neeg Kos Lim Pej yam tsawg 2,000 leej raug ntes nyob hauv Suav teb.

Hnub rau tag los, Koo Byoung-sam tus tshaj lus koom teb chaws ntawm Kos Lim Naj hais tias : pab neeg saib xyuas tib neeg kev ncaj ncees hais tias tseem hwv Suav quab yuam muab cov neeg thoj nam Kos Lim Pej ntau pua leej rov qab lawv teb chaws.

Koo Byoung-sam hais ntxiv tias : tam sim no tsis tuaj yeem paub qhov tseeb txog cov neeg raug ntes. Tab sis pab neeg saib xyuas tib neeg kev ncaj ncees hais tias muaj cov neeg Kos Lim Pej 600 leej raug ntiab tawm hauv Suav toob fab naj, ib yam nkaus li cov raug xa rov mus lawv teb chaws.

Koo tseem ua xyem xyav txog tias : Kos Lim Naj thov kev koom tes ntawm tseem hwv Suav kom pab txuag cov neeg Kos Lim Pej uas raug xa rov qab, yog ib qho uas tsis tshua muaj tshwm sim ntawm cov tseem hwv Kos Lim Naj. Vim tseem hwv Kos Lim Naj kheev kheev zam thiab tsis cuam tshuam hais txog kev daws teeb meem ntawm tseem hwv Suav. Ces cov lus thov no tsis yog ib qho xwm yeem ntawm kev kub ntxhov hais txog cov neeg Kos Lim Pej nyob Suav teb xwb, nws tseem yog hais txog zem kev sib cog phooj ywg uas tab tom kub ntxhov ntawm Kos Lim Naj thiab.

Hais txog ntawm tseem hwv Suav, lawv tsis lees txog qhov lawv ntiab cov neeg Kos Lim Pej ntau pua leej. Wang Wenbin tus tshaj lus ntawm pwm tsav txawv teb chaws hais tias : Suav teb ib txwm txuag thiab muaj kev saib xyuas zoo rau cov neeg Kos Lim Pej uas hla ciam teb, vim 2 tog txoj kev lag luam. Tab txawm cov neeg Kos Lim Pej kheev kheev tau kev tos txais xws li cov neeg thoj nam thaum lawv khiav mus txog lwm teb chaws. Thiab Suav yog tus sau npe nyob hauv Geneva daim ntawv cog lus ntawm lub Leej Haum Kuj, tab sis Suav tsis lees txais lawv txoj kev ua neeg thoj nam. Cov neeg thoj nam nyob Suav teb tau txais kev tso txais xws li cov neeg thoj nam txhaum cai thiab raug ntiab rov mus Kos Lim Pej raws cov lus cog nyob hauv xeev ntuj. Cov neeg Kos Lim Pej ntau pua leej nyob hauv Suav teb los ntau xyoo lawm, thiab muaj qee leej kuj tsim lub neej tshiab nyob Suav teb.