Cov Tswv Qhia Kav Tos Liv nyob Is Ntias teb thov kom sib pab thov Ntuj pub kev thaj yeeb rau daim av ntshiab uas yog His Xas Lais teb

Koom kev tu siab thiab kev mob siab kawg rau cov neeg raug mob thiab cov neeg tuag, cov neeg ntsib kev txom nyem los ntawm kev sib txeeb sib tua nyob His Xas Lais teb thiab Pas Les Tis Nas teb. Cov Tswv Qhia Kav Tos Liv nyob Is Ntias teb tab tom txhib hais txog kev thov Ntuj pub kev thaj yeeb nyob hauv xeev ntuj uas muaj kev kub ntxhov.

Kev sab laj ntawm cov Tswv Qhia Kav Tos Liv nyob Is Ntias (CBCI), ua kom pom tias sawv daws nrog cov tsev neeg uas lawv raug kev kub ntxhov sib koom ua ib lub siab.  Andrews Thazhath tus thawj coj cov Tswv Qhia yog tus tshaj tawm cov lus no. Andrews Thazhath vam tias His Xas Lais tus thawj coj thiab cov Pas Les Tis Nas tus thawj coj yuav pom txog txoj kev txhawb siab no, kom lawv txawj ntsia pom kev thaj yeeb yog qhov tseem ceeb thiab kev sib hais haum tseem ceeb dua tej kev ua kub ntxhov. 

Tswv Qhia Felix Machado uas yog tus lwm thawj coj ntawm CBCI thov kom tas cov neeg ntseeg sib koom siab thov Ntuj pub kev thaj yeeb rau txhua tus. Tshwj xeeb yog cov neeg Is Ntias uas nyob hauv thaj tsam raug kev kub ntxhov thiab thov kom muaj kev thaj yeeb ntxiv mus thiab kev kub ntxhov rov nyob tus.

Tswv Qhia Machado hais tias kev sab laj ntawm cov Tswv Qhia, yog nthuav kev txhawb nqa mus rau cov neeg tau txais kev kub ntxhov los ntawm His Xas Lais thiab Pas Les Tis Nas txoj kev tsis sib haum xeeb. Thov txhib kom tsoom neeg ntseeg sib koom siab thov Ntuj pub kev thaj yeeb, pub kev sib haum xeeb thiab pub kom tsoom pej xeem nyob hauv thaj tsam kub ntxhov tau lub neej kaj siab.

Tus Tswv Qhia Liab Pizzaballa uas yog tus Tswv Qhia Latin nyob Yes Lus Xas Les txhib hais txog kev thov Ntuj, kom pab nrhiav kev ruaj khov thiab kev pheej xeeb nyob tus los pab sawv daws lub siab ua tiag uv nyob hauv lub caij ntsib kev txom nyem no. Nws hais tias : tsuas muaj tib txoj kev no xwb uas peb tuaj yeem rub tau qhov tawv thiab kev pheej xeeb los pab uv nyob hauv lub caij ntsib kev txom nyem. Tig mus cuag Tswv Ntuj thiab thov Ntuj pab, taij thiab thov Tswv Ntuj nyob hauv peb txoj kev mob siab no. Hnub tim 7 lub 10 hli no, cov Hamas nyob Pas Les Tis Nas tau tua cov tub rog His Xas Lais yam tsis tau muaj los dua. Thiab pov hoob pob tiv cov tub rog His Xas Lais, ces ua rau muaj neeg tuag 2,300 tawm leej nyob GAZA uas yog cov Pas Les Tis Nas ua tus kav.