Saib Yes Xus nyob hauv cua daj cua dub.In the storm look at Christ (In the Storm? Look to Christ)

Saib Yes Xus nyob hauv cua daj cua dub. (In the storm look at Christ)

Ntawv Moo Zoo ntawm peb hnub no, yog Mas Tais ntawv Moo Zoo zaj 14. Yog zaj hais txog Yes Xus cheem cua daj cua dub thiab nws mus taw saum nplaim dej. Nov yog ib qho xwm txheej uas nyob rawv hauv cov neeg ntseeg thaum ub lub siab thiab lub tswv yim. Peb tuaj yeem pom tau zaj no nyob hauv 4 phau ntawv Moo Zoo, thiab tej zaj no zoo li nws rov quas qees. Tab sis cov neeg sau ntawv Moo Zoo lawv kuj ua tib zoo xav tswv yim tob tob txog yam xwv txheej uas tshwm sim no. Thaum txog lub sij hawm sau ntawv Moo Zoo, yam uas koj muaj nws twb sib xyaws lawm. Zoo li muaj ob lub tsev kawm ntawv, ib tug xav mus ib qho, tab sis ob leeg kuj yog qhov tseeb ib yam. 
Yam uas kuv hais txog yog hais txog liv xwm, nws yog zaj tseeb uas tshwm sim. Thov kom koj txhob xav tias nov yog ib zaj xev uas muaj lub ntsiab xwb. Thaum nws tshwm sim tuaj lawm, cov neeg ntseeg yuav ua tib zoo xav txog yam uas tshwm sim kom ntxaws thiab muab kom tau lub ntsiab nyob hauv zaj ntawd tawm los, kom tau muab sau tseg. Piv txwv li Mas Tais ntawv Moo Zoo muaj hnub nyoog li 80 xyoo los kwv yees li ntawd. Yam uas sau ntawd tsis yog ntawv sau nyiaj los yog ntawv xov xwm, yog tias koj yog ib tug tub xov xwm zoo, koj tsuas sau tias : 
“Leej twg, dab tsi thiab thaum twg ?” 
Koj tsuas qhia kuv kom meej txog txhua yam ntawd tias dab tsi tshwm sim, los yog ib daim duab, los ib zaj yeeb yaj duab xwb. Qhov ntawd nws yog nws ib yam, tab sis yam uas koj muaj nyob hauv lub Moo Zoo, mas koj tsis yog zoo li ntawd. 
Tom qab Yes Xus faib mov rau tsoom pej xeem noj lawm, Yes Xus kom cov Thwj Tim nqes hauv nkoj thiab coj nws mus rau lwm sab ntug dej. Cov Thwj Tim nyob hauv lub nkoj ib txwm yog lub cim ntawm lub Koom Txoos. Ntawd yog qhov teeb meem uas peb hais txog Pob Zeb lub nkoj. Tus Thwj Tim uas raws Yes Xus nyob hauv nkoj thiab yog lub cim ntawm lub Koom Txoos. Tom qab ua li ntawd tas, Yes Xus nce mus teev Ntuj ib leeg nyob saum roob. Yes Xus thov Ntuj rau lub Koom Txoos thiab rau tas lub ntiaj teb neeg. 2000 xyoo tom qab no, peb kuj yog nyob hauv Pob Zeb lub nkoj thiab peb nyob hauv lub Koom Txoos lub nkoj. Zoo li peb tab tom hla dej hiav txwv thiab Yes Xus thov Ntuj rau peb. Thaum tsaus ntuj Yes Xus kuj tseem nyob saum roob ib leeg, tab sis Pob Zeb lub nkoj nyob nrug deb ntawm ntug hiav txwv li ntau ntsua muag. 
Tam sim ntawd muaj cua daj cua dub los raug lub nkoj thiab dej nphau nphwv. Thaum yuav kaj ntug, cov Thwj Tim pom Yes Xus mus taw saum nplaim dej, thiab lawv ntshai. Cov nkoj khiav nyob hauv hiav txwv qee zaus nyob tus yees, vim tsis muaj cua daj cua dub. Qee zaus dej hiav txwv nphau npog nyob tsis tus, vim raug cua daj cua dub. Lub Koom Txoos kuj zoo ib yam li ntawd. Thaum cov Thwj Tim pom Yes Xus mus taw saum nplaim dej, mas lawv ntshai. Yes Xus tsis yog ua luam dej xws li cov tub xyaum ua luam dej, nws sawv ntsug mus kev. Peb yuav nco txog lub chiv keeb thaum Tswv Ntuj tsim lub ntuj ntsuab thiab lub ntiaj teb, Tswv Ntuj lub tswv yim yuj saum nplaim dej xws li Yes Xus mus taw saum nplaim dej. Thaum cov His Xas Lais khiav hla lub hiav txwv liab, Tswv Ntuj kuj ua kom dej faib ua ob sab rau cov His Xas Lais tau kev mus. Qhov no yog Tswv Ntuj lub zog lub hwj chim. Tab txawm muaj cua daj cua dub los thiab dej hiav txwv nphau nphwv, tsis kav Yes Xus kuj mus taw thiab nyob tus yees saum nplaim dej. Thaum koj pom ib tug neeg mus taw saum nplaim dej, mas koj yuav xav tias tus neeg ntawd tsis dog dig thiab nws muaj Tswv Ntuj lub hwj chim. Koj yuav ua li cas los pauj Tswv Ntuj lub zog ? Nws yog kev ntshai thiab tsis yog kev ntshai uas ua kom lub cev qaug zog, tab sis nws yog qhov ua kom nco txog lub zog loj uas koj pom thiab nws zoo heev. Yog qhov kev txawj ntshai Tswv Ntuj. Thaum yuav kaj ntug, cov Thwj Tim pom Yes Xus mus taw saum nplaim dej, lawv ib ce xob, lawv xav tias yog poj ntxoog. 
Yes Xus hais rau lawv tias : “Nej tso siab mas ! Yog kuv ! Txhob ntshai !” 
Nov yog Mas Tais ntawv Moo Zoo, thiab koj kuj yuav pom zaj no nyob hauv Zam ntawv Moo Zoo. Nyob hauv lus Hes Nplaws hais tias “ego eimi” txhais tias “kuv yog”. 
Saib ma ! Yog kuv xwb ! Yam uas nws hais ntawd yog los ntawm lo lus nyob hauv ntawv Kev Tsiv zaj 3 : 14. 
Thaum Mais Xes nug Tswv Ntuj tias : “Koj lub npe hu li cas ?” Nyob hauv lus Hes Nplaws ntawv Cog Lus Qub, lawv hais tias : “ego eimi ho on” txhais tias “Kuv yog leej twg ?” Kuv yog tus kuv yog, kuv hu ua kuv. Li ntawd lub zog ntawm no yog qhov Yes Xus qhia rau peb tias Tswv Ntuj yog Tswv Ntuj. Thiab tsuas muaj Tswv Ntuj tib leeg xwb uas peb yuav tau txais kev cawm thaum peb raug cua daj cua dub nyob hauv peb lub neej. Thaum peb tig mus ntsia tib neeg ntiaj teb, peb yuav tsis quav ntsej tias lawv yog leej twg. Lawv yog tub txawg tub ntse, lawv yog kws txuj, lawv yog tub ua yeeb yaj duab, lawv yog tub tseev tsim, peb yuav hnov qab tau, vim tej ntawd pab tsis tau peb. Tsuas muaj tib lub zog xwb, yuav cawm thiab yuav txheem tau lub Koom Txoos yog “ego eimi”. Nws yog kev ntshiab huv ntawm Yes Xus thiab tsis ntxim nyiam lod ? Yes Xus hais rau nws cov Thwj Tim tias : 
“Nej tso siab mas ! Yog kuv ! Txhob ntshai ! Kev tso siab tuaj qhov twg tuaj ? Kuv hais txog txoj kev tso siab tiag, tsis yog kev tso siab tuaj ntawm tib neeg ntiaj teb tuaj. Yog kuv vam txog neeg ntiaj teb, mas kuv tsis muaj kev cia siab thiab kuv yuav tu siab. Kev tso siab tuaj qhov twg tuaj ? Nws yog tshwm sim los ntawm qhov yus qiv qee yam ntawm Tswv Ntuj thiab ntawm Yes Xus. Thaum peb muaj feem cuam txog kev sib koom, tab txawm yog lub caij muaj cua daj cua dub, tsis kav Tswv Ntuj yog Tswv Ntuj, ces peb yuav muaj kev tso siab thiab ntsib kev thaj yeeb, peb tsis ntshai. 
Pob Zeb hais taj lwm tus Thwj Tim zoo li nws ib txwm ua kam. Tus hloov Pob Zeb chaw nws kuj yog tus coj lub KoomTxoos. Pob Zeb hais rau Yes Xus tias : 
“Huab Tais, yog koj tiag no, koj kheev kom kuv tsuj saum nplaim dej tuaj cuag koj.” 
Yes Xus teb tias : “Tuaj mas !” Ces Pob Zeb nqes nkoj tso ko taw tsuj saum nplaim dej mus cuag Yes Xus. Qhov no yog qhov kuv hais txog tias peb qiv Yes Xus lub zog thiab lub peev xwm, ces peb tuaj yeem tso ko taw tsuj saum nplaim dej uas nphau nphwv. Peb yuav hla qhov ntawd tau li cas ? Peb txhob vam txog peb tus kheej. Txhua yam ntawm peb tus kheej, peb hais tias kuv, kuv, kuv. Yog kuv li peev xwm, kuv xaiv kuv, kuv ua tau kawg, kuv zoo txhua yam. Thov koj hnov qab txog qhov ntawd, vim qhov ntawd yog txoj kev tws ntawm fab ntsuj plig. Los koj yuav vam txog cov tub tseev tsim, cov kws txawj ntse kom pab koj. Qhov ntawd koj yuav hnov qab tib si, vim tej ntawd pab kom koj mus saum nplaim dej tsis tau. Qhov yuav pab kom tau koj mus taw saum nplaim dej, tsuas yog Yes Xus lub zog thiab yog Yes Xus xwb thiaj ua tau.
Vim li no Pob Zeb thiaj nqes nkoj mus ko taw saum nplaim dej mus cuag Yes Xus, tab sis nws pom cua hlob, nws ntshai, ces nws pib tog hauv dej, nws qw tias : “Huab Tais ! Cawm kuv mas !” Nws yog qhov yooj yim, tab sis tseem ceeb heev rau fab ntsuj plig thaum uas koj tab tom raug cua daj cua dub. Tam sim no peb koom nrog Yes Xus ua ib tug. Tswv Ntuj paub tias koj tab tom raug cua daj cua dub, koj txhob saib qhov dej nphau nphwv ntawd, koj yuav saib ntsoov Yes Xus. Txhua yam uas tshwm sim ntawm peb hauv ntej yog qhov ntxias neeg lub siab tas mus li. Yog koj saib tej yam ntawd, mas koj yuav muaj qhov ntshai. Yog koj ntshai, koj yuav ceev faj thiab koj yuav saib ntsoov Yes Xus, ces koj thiaj mus tau tom ntej. Kev tog hauv dej tshwm sim thaum koj hloov Yes Xus lub zog ntshiab huv mus saib tej yam tab tom tuaj raug koj. Li ntawd, koj yuav txhob saib txog tej yam tuaj raug koj, koj yuav saib ntsoov Yes Xus. 
Thaum ntawd Yes Xus cev tes tuav Pob Zeb thiab hais tias : 
“Neeg muaj kev ntseeg tsawg, ua cas koj yuav xyem xyav ?” Thaum Yes Xus nkawd nqes hlo mus rau hauv nkoj, ces cua tu nrho. Tsuas muaj Yes Xus yog tus cawm lub Koom Txoos nyob hauv ntau tiam neeg dhau los xwb. Pob Zeb lawv lub nkoj hla dhau dej, vim yog Yes Xus. Peb yuav saib mus rau ntu kawg, seb nws yuav xaus li cas. 
Cov neeg nyob hauv nkoj pe Yes Xus thiab lawv hais tias : 
“Huab Tais, koj yog Tswv Ntuj Leej Tub tiag !”
Lawv nkag siab thiab nov yog ib ntu sij hawm uas lawv yuav nco txog tias : 
“Peb tsis tau vam kom txog Yes Les Mias los sis His Xais, tsis tau vam txog Has Nplas Has los yog Yas Kos thiab lwm tus.” 
Qhov uas peb tau ntsib tam sim no yog His Xas Lais tus Tswv Ntuj, peb tab tom txuas nrog tus Tswv Ntuj uas yog Tswv Ntuj nyob ntawm no. Ces lo lus tseeb tsis yog lawv ua tsaug xwb, lawv yuav tsum pe hawm thiab.
Kuv cov phooj ywg ntseeg Ntuj sawv daws ! Yog peb tso tseg tsis ua li ntawd, mas zoo li peb yuam kev nyob hauv Yes Xus. Peb mus hauv cov dej nphau nphwv, tab sis yog peb tso siab rau Yes Xus lub hwj chim thiab peb mus tau saum nplaim dej, tsis kav peb kuj yuav pe hawm nws. Thov Tswv Ntuj foom hmoov zoo pub rau koj !