Lub rooj pwm tsav Pas Kis Taas xav xaus rooj plaub sib thuam uas tsis ncaj ncees

Ntau pab nom tswv nyob Pas Kis Taas teb tab tom nrhiav qhov tseeb los hais txog txhua rooj plaub ntug sib thuam nyob hauv lub teb chaws. Yuav tso tseg txoj kev raug ntes kaw nkuaj uas tsis ncaj ncees thiab tsa kom muaj ib pab neeg los saib xyuas kev kub ntxhov ntawm cov haiv neeg ntseeg nyob hauv kev teev hawm.

Tam sim no muaj cov neeg Pas Kis Taas 179 leeg raug ntes kaw thiab tos txiav lawv lub txim los ntawm kev thuam cov kev teev hawm. Nov yog tshaj tawm raws li lub pwm tsav saib xyuas tib neeg kev ncaj ncees nyob Pas Kis Taas teb tshaj, thiab Vas Tis Kas tsab ntawv xov xwm Fides tshaj tawm hnub tim 19 lub 10 hli no.

Cov kav xwm soj ntsuam hais tias : muaj 17 leej uas lawv raug txiav txim tias lawv tau thuam cov kev teev hawm lawm tiag, thiab tos txiav txim zaum ob. Ces pom tias yog ib qho txaus ntshai kawg. 

Raws li NHRC kev soj ntsuam thiab tshaj tawm tom qab pab neeg tiv cov neeg ntseeg hauv lub nroog Jaranwala, hauv lub xeev Punjab, ua rau 22 lub tsev teev Ntuj thiab tsoom pej xeem 91 lub tsev piam sij tas hauv lub 8 hli. Teeb meem yog hiam txog 2 tug neeg ntseeg uas nkawd hais lus thuam Quran.

Walid Iqbal uas nws yog tus thawj tswj lub pwm tsav, thov kom muaj kev hais meej txog cov plaub ntug sib thuam thiab thov kom muaj kev tsa tej pab neeg nyob hauv lbu pwm tsav saib xyuas kev ncaj ncees, kom tau ua cov hauj lwm daws teeb meem tsim kev kub ntxhov uas tsis ncaj ncees nyob hauv cov haiv neeg tsawg thiab tas tsoom pej xeem. Walid Iqbal hais tias nws ntxhov siab txog kev siv txoj cai quab yuam cov neeg sib thuam uas yog kev daws teeb meem ntiag tug. Tom qab cov xwm kawg tshwm sim, NHRC hais tias lawv yuav nrhiav kev txuag kev hla txoj cai thiab ua kom muaj txoj cai tshiab los kav kev sib thuam ntawm cov kev teev hawm.