Ntawm Pas Les Tis Nas cov thawj coj, mas kev thaj yeeb ib txij los yog nrog kev mob siab, tab sis nws muaj nqis dua tus peev tsov rog

Ntawm tus xib hwb Bernard Sabella, uas yog tus tuav hauj lwm ntawm lub tsev saib xyuas kev pab cuam Pas Les Tis Nas cov neeg tawg rog nyob Middle East Council of Churches, kev thaj yeeb uas kom kev tseev tsim tsis muaj dab tsi kiag. Cov Pas Les Tis Nas kev ncaj ncees kuj poob qis thiab kev ploj mus ntawm 2 lub teb chaws.

Sabella tus qub sawv cev ntawm Fata hais tias : tam sim no tsim nyog yuav zam kev thim toob xib kom muaj kev kub ntxhov thiab sib cib nyeej. Vim tus peev ntawm kev thaj yeeb zoo siab lees txais kev mob ntawm ob tog los hloov peev nyiaj txiag tsov rog. 

Tam sim no cov His Xas Lais ua nruj heev zuj zus. Thaum lub sij hawm dhau mus, cov Pas Les Tis Nas kuj muaj kev tiv heev zuj zus hais txog kev kub ntxhov. Peb khuam nyob hauv lub voj khaub lig hais txog ntsib tub rog tiag tiag.

Lawv ua tsov rog nyob GAZA, kev kub ntxhov zaum kawg yam tsis tau muaj los dua, yog pib ntawm cov Hamas kev tua cov tub rog His Xas Lais thiab cov pej xeem nyob His Xas Lais qab teb, tab sis yog nyob qaum teb ntawm GAZA. Ces zoo li yog nyob hauv lub voj khaub lig uas daws khuam rawv. Tsov rog sawv nyob GAZA yam tsis tu ncua thiab tsoom pej xeem nyob GAZA raug cov Hamas ntes thiab tua txij hnub tim 7 lub 10 los. Ces ua kom pom tias tsis muaj chaw daws kev tseev tsim, tsis muaj kev thaj yeeb yuav los daws kev sib ntaus sib tua ntawm His Xas Lais thiab Pas Les Tis Nas. Kev sib ntaus rog ua kom tseem hwv As Mes Lis Kas thiab cov teb chaws Aws Los Pas txhawb nqa His Xas Lais thiab txhawb nqa fab kev tseev tsim, peev nyiaj txiag thiab fab tub rog, kom cov His Xas Lais tau zoo nrog cov Hamas sib ntaus rog.

Qhov no pom meej meej tias His Xas Lais vam txog As Mes Lis Kas txoj kev pab hais txog tub rog thiab peev nyiaj txiag. Li ntawd kev ua hauj lwm uas Washinton muab rau Telaviv kev ntaus rog zim txwv no, nws tseem ceeb kawg nkaus hauv kev sab laj ntaus tswv yim thiab hais txog kev ntaus rog zaum no. 

Tsab ntawv xov xwm Vas Tis Kas tshaj tias : Tswv Qhia Gallagher uas yog tus lwm thawj tswj Vas Tis Kas fab kev nrog txhua lub xeev sib cog phooj ywg thiab Amir-Abdollahian uas yog Is Laas tus pwm tsav txawv teb chaws sib tham nyob hauv xov tooj, nkawd ob leeg tau txhawj xeeb txog kev kub ntxhov uas tshwm sim nyob hauv thaj chaw ntshiab. Nkawd tau txhib hais txog kev zam kev kub ntxhov thiab txhawb nqa kev daws teeb meem ntawm ob lub teb chaws kom tau nyob thaj yeeb hauv As Xias nrab. Tswv Qhia Pizzaballa Latin nyob Yes Lus Xas Les, tau muab thaj chaw ntshiab cev rau Niam Mab Liab lub siab ntshiab.