Zaj nyeem hnub tim 30 lub 11 hlis 2023 (Daily reflection)

ZAJ NYEEM HNUB TIM 30 LUB 11 HLIS, HNUB UA HMOOV LEEJ NTSHIAB AS NRES
COV LUS NYOB HAUV MAS TAIS NTAWV MOO ZOO (MT 4: 18-22)

Kwv tij Hmoob sawv daws, hnub no peb ua hmoov Leej Ntshiab As Nres. Lo lus ‘As Nres’ txhais tias ‘muaj cuab kav’. As Nres yog Zam Ntxuav Plig ib tug thwj tim, tom qab Zam qhia tias Yes Xus yog tus Pleev, ces As Nres thiaj los raws Yes Xus. As Nres paub Yes Xus lawm, nws mus qhia txog Yes Xus rau nws tus tij laug Xis Moos Pob Zeb. As Nres kuj tau coj Xis Moos Pob Zeb tuaj ntsib Yes Xus thiab. Tom qab Yes Xus hu As Nres los ua Tswv Ntuj txoj hauj lwm mas As Nres tau tso nws lub cuab tam tseg, nws raws Yes Xus mus. As Nres coj lub neej raws li Yes Xus qhia, nws tau ua ib tug hauv 12 tus Hauv Paus Xa Lus. 
As Nres tau coj ib pab Hes Las los paub Yes Xus. 
Kwv tij Hmoob, peb yuav kawm ntawm Leej Ntshiab As Nres. Thaum Huab Tais Yes Xus hu peb, mas peb yuav tau ua zoo li As Nres. Nyob zoo sawv daws.