Cov neeg thoj nam As Xias thiab hnov qab cov neeg uas raug Hamas ntes

220 tus neeg uas raug cov Hamas ntes nyob GAZA, feem coob yog neeg txawv teb chaws uas tuaj ntawm 25 lub teb chaws tuaj. Nyob hauv 4 pab loj uas yog cov tub zog neeg txawv teb chaws, muaj xws li neeg Thaib 54 leeg, neeg Nes Pas 5 leeg, neeg Fis Lis Pees 2 leeg, neeg Suav 1 leeg thiab neeg Xis Laas Kas 1 leeg. Tseem hwv Thaib tau xa neeg mus sib hais txog kev tso cov neeg raug ntes, thiab vim yog kev ntshai tsov rog thiaj muaj cov neeg thoj nam khiav tawm His Xas Lais teb coob kawg.

Qhov tseem ceeb ntawm kev sib ntaus rog mas yog cov neeg uas raug Hamas ntes hnub tim 7 lub 10 hli tag los no. Kev sib tham txog kev daws tso cov neeg raug ntes nyob Kas Tas, His Xais Lais hais tias lawv yuav tso tseg kev ntaus rog hauv av ib ntus kom txhob muaj teeb meem rau cov neeg raug ntes. 

Tas cov neeg raug Hamas ntes 220 feem coob yog neeg txawv teb chaws tuaj ntawm 25 lub teb chaws tuaj. 1 feem 4 ntawm cov tub zog neeg txawv teb chaws, yog ua liaj ua teb los yog cov saib xyuas nyob Kibbutzim uas raug cov Hamas tua.

Tam sim no Thaib tus pwm tsav txawv teb chaws tab tom soj ntsuam thiab sib tham txog 54 tus neeg Thaib uas raug ntes seb puas yog nyob hauv cov Hamas tes. Vim cov tseem hwv His Xas Lais hais tias cov tub zog raug ntes 1 feem 4 yog neeg Thaib. Cov tub zog nyob His Xas Lais feem coob yog tuaj ntawm cov teb chaws As Xias toob fab naj tuaj. 30,000 leej yog cov tub zog ua liaj ua teb. Thaib tus pwm tsav txawv teb chaws Panpree Phahid thanukhon xa ib pab neeg mus sib tham thiab thov kom tso cov neeg Thaib uas raug ntes. Muaj cov neeg Thaib nyob His Xas Lais teb 8,160 leej thov kom tseem hwv Thaib pab lawv rov qab Thaib teb sai sai.