Kev sib luag ntawm poj niam thiab txiv neej, thiab cov me nyuam tsis qab los noj mov yog lub hom phiaj ntawm cov poj niam Kav Tos Liv

Tam sim no nyob Is Ntos Nes Xias teb, hauv Wanita Katolik Republik muaj cov poj niam sib sau ua ke ua tub koom tes li ntawm 96,000 leej, uas lawv ua cov hauj lwm saib xyuas cov me nyuam thiab kev sib luag ntawm poj niam thiab txiv neej.

Lub rooj sab laj nruab xyoo uas tsa nyob hauv Jakarta lub lis piam tag los no, WKRI (Wanita Katolik Republik Indonesia) uas yog lub Koom Haum cov poj niam Kav Tos Liv thiab muaj nyob Is Ntos Nes Xias teb ntev heev lawm. Lawv tau nthuav tawm 4 nqe lus tseem ceeb uas tsim nyog yuav daws kho nyob rau yav tom ntej kom tau pab tsoom pej xeem. Lub Koom Haum WKRI txhim tsa hnub tim 26 lub 6 hlis xyoo 1924, los ntawm Maria Soelatri Soejadi uas yog ib tug poj niam Kav Tos Liv nto npe nyob Jakarta, kom tau pab cov poj niam nyob ntawm ib zeej tsoom. Los txog tam sim no WKRI muaj cov poj niam sib koom ua hauj lwm ua ke 96,000 leej nyob thoob Is Ntos Nes Xias teb. Hauv lub rooj sab laj ntawm cov teb chaws Justina Rostiawati uas yog tus thawj coj thiab tab tom yuav tag nws lub sij hawm ntawm kev ua tus coj, nws tau hais txog WKRI rau ib zeej tsoom nyob hauv txoj kev sib luag ntawm poj niam thiab txiv neej. Kev nyiag noj nyiaj ntawm cov tub tseem hwv tab tom sib kis zoo li tus kab mob. Lub tswv yim txhim kho uas yog lub hauv paus ntawm lub xeev Is Ntos Nes Xias tsim tawm nyob hauv xyoo 1945, raug lim kom cov poj niam thiab cov me nyuam Is Ntos Nes Xias poob hauv txoj kev txom nyem ntau dua qub. Tas txhua yam nyob ib puag ncig raug txhos caug los ntawm huab cua pauv ntxeev thiab kev ua ntawm cov poj niam zim txwv no.

Qhov kawg hauv lub rooj sab laj, WKRI tau xaiv Elly Kusumawati Handoko los ua tus thawj coj tshiab hauv lub Koom Haum, thiab xaiv Lusia Willar, thiab Kho Hwie Hong los ua 2 tug lwm thawj coj.