Tus Leej Tij hauv De La Salle, yog tus xub qhib kev kawm thiab qhia kev ntseeg nyob Pas Kis Taas teb

Leej Tij Zafar Daud uas nyob hauv De La Salle tau pub kev kawm rau cov tub ntxhais hluas nyob Khushpur, hauv lub xeev Punjab nyob Pas Kis Taas sab hnub tuaj. Leej Tij Zafar Daud yog ib tug neeg nto npe nyob Pas Kis Taas teb. Nws nyob hauv lub Koom Haum De La Salle. Sawv daws paub nws nyob hauv lub npe cov kwv tij ntawm lub tsev kawm ntawv neeg ntseeg. Nws ua hauj lwm los tau 35 xyoos, kom tau txuag cov liv xwm Lasallian nyob Pas Kis Taas teb. Xyoo 1994, Leej Tij Zafar pib ua hauj lwm nrog Leej Ntshiab Alberts uas yog ua xib hwb qhia ntawv. 2 xyoos tom qab nws muaj 28 xyoo, nws tau ua thawj tug thawj coj hauv lub tsev ntawv txheej siab. Nws tau pom kev vam meej los ntau thiab qhov nws ua tiav nyob hauv ntau xyoo tag los. 

Xyoo 1997, muaj 75 tug tub hluas tuaj tas qhov txhia chaw hauv lub teb chaws tuaj kawm ntawm Leej Tij Zafar. Ces thiaj ua rau lub tsev ntawv txheej siab muaj ntau chav tsev kawm ntawv ntxiv thiab pauv cov sob qhia. Ua rau cov tub kawm muaj hwj chim los ntawm kev teev Ntuj, kev qhia kev ntseeg thiab fab tshaj tawm. 

Tsoom pej xeem thov kom qhib lub tsev kawm ntawv La Salle Khushpur los ntev lawm, ces Leej Tij Zafar thiaj ua kom lub tsev kawm ntawv tshwm sim nyob hauv xyoo 2004. Tam sim no muaj cov tub kawm li ntawm 500 leej. Leej Tij Zafar pib qhib lub tsev kawm qhia ua zaub mob noj rau cov tub ntxhais hluas uas muaj hnub nyoog li ntawm 16 txog 22 xyoos. Nws txaus siab rau cov tub ntxhais hluas txoj kev kawm ua zaub mov noj vam meej, vim lawv ntau tus tau hauj lwm zoo ua thiab muaj coob leej tau nyiaj hli zoo.