Cov neeg ntseeg Kos Lim Naj raug ntes kaw, vim lawv tsis kheev rhuav cov tsev teev Ntuj

Lub tuam tsev txiav txim nyob Kos Lim Naj tau ntes cov neeg  ntseeg nyob hauv 14 lub tsev teev Ntuj Presbyterian kaw. 

Cov neeg ntseeg lawv raug liam txim tias lawv tsis kheev rhuav lawv cov tsev teev Ntuj thiab lawv ntaus tseem hwv cov neeg. Lee Jong-kwang uas nws yog tus thawj txiav txim nyob Xes Us qaum teb hais tias : hnub tim 1 lub 11 hlis no, lawv tau ntes cov neeg ntseeg hauv lub tsev teev Ntuj Sarang Jeil kaw 6 hli txog 3 xyoos. Lee hais tias qhov teeb meem no yog thawj qhov teeb meem nyob hauv 36 xyoo tag los, vim cov neeg raug ntes lawv tiv tseem hwv txoj cai kav teb chaws. Nov yog thawj zaug muaj xwm tshwm sim txij thaum tseem hwv daws kho txoj cai txij xyoo 1987 los, thiab yog kev txiav txim raws li lub tuam tsev txiav txim xam pom.

“Nws yog kev tab meeg tiv lub tsev txiav txim thiab tseem hwv txoj cai”. 

Cov neeg ntseeg tau tiv tseem hwv txoj kev rhuav cov tsev teev Ntuj thiab lawv hais tias yog rhuav lawm, yuav tsum pauj rov qab. Lub tsev teev Ntuj Sarang Jeil taij thov nyiaj pauj rov qab 50 plhom Won, los yog 37 plhom dos las. Tus nqi pauj no siab dua qhov xav 6 npaug, thiab lub tsev txiav txim tsis kam lees hais txog kev pauj.