Tus Tswv Qhia nyob Xes Us, xav caw cov tub ntxhais hluas Kos Lim Pej tuaj koom cov tub ntxhais hluas hnub (WYD) hauv xyoo 2027

Tus Tswv Qhia Soon-taick Chung hais nyob hauv lub rooj sab laj kev thaj yeeb ntawm lub hiav txwv Kos Lim zaum tim 8 tias : lubh nub nyoog txwm 70 xyoo ntawm kev thaj yeeb hauv tsov rog, mas nws xav kom cov tub ntxhais hluas tau kev sib koom tes thiab sib haum xeeb. Lub hom phiaj ntawm xyoo no yog kev sib haum xeeb thiab kev thaj yeeb hauv lub hiav txwv Kos Lim. Ntau xyoo dhau los no, cov kav xwm saib xyuas cov hauj lwm tau pib ntau yam txog kev sib haum xeeb, yam li pab hais txog tib neeg kev ncaj ncees rau cov pej xeem Kos Lim Pej, pab kom cov pej xeem Kos Lim Pej tau kev nyob hauv Kos Lim Naj thiab tuav xam txog kev thaj yeeb kom tau nyob ruaj khov tiag tiag.  Tswv Qhia hais tias : “Tab txawm yuav muaj ntau yam uas tug puav thawj coj tsis nkag siab, tsis kav peb yuav tsis txhob xav li ntawd thiab peb yuav tsis tso kev sib haum xeeb tseg, yog tias peb xav tau kev thaj yeeb.” 

Vaj Qhia Fas Ntshis Kus lo lus foom hmoov zoo nyob hauv hnub txwm 70 xyoo ntawm kev thaj yeeb hais tias : “Tso tseg kev sib ntaus rog ntawm ob lub teb chaws Kos Lim, vam tias lub rooj sab laj no yuav coj sawv daws mus rau kev sib haum xeeb thiab nyob thaj yeeb.”  Tus Tswv Qhia nyob Pis Yoos Yaas hais tias : “Cov neeg ntseeg Kav Tos Liv  yog cov nyob nruab nrab thiab ua kom sawv daws sib haum xeeb nyob hauv kev thaj yeeb ntawm lub hiav txwv Kos Lim.” Cov teeb meem uas sib daws kho los tau 70 xyoo, suav txij hnub cog lus tso tseg kev sib ntaus rog, xws li tsev neeg uas sib tawg, kev sib ntsib tim ntsej tim muag ntawm kev tseev tsim thiab fab tub rog.