Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Zaj nyeem hnub tim 16 lub 12 hlis 2023 (Daily reflection)
ZAJ NYEEM HNUB TIM 16 LUB 12 HLIS, HNUB NCO TXOG COV TIM KHAWV THAIB
COV LUS NYOB HAUV MAS TAIS NTAWV MOO ZOO (MT 17: 9-13)
Cov kwv tij Hmoob, vim Huab Tais Tswv Ntuj nyiam neeg, nws thiaj xa cov Yaj Saub tuaj ntuas neeg kom tig los yuav siab tshiab ua xis Tswv Ntuj siab. Tab sis tsawg tus Yaj Saub los neeg tsis mloog, neeg tseem muab tua thiab. Muaj ib tug Yaj Saub tsis raug kev tuag, tab sis yog Tswv Ntuj coj nws mus saum ntuj lawm, yog tus Yaj Saub Es Lias.
Cov Ntawv Ntshiab hais tias Es Lias yuav rov los, yog lub caij ua ntej Leej Pleev yuav tuaj. Yog vim li no, cov Thoob Xwm Ntawv Ntshiab thiaj hais tias Huab Tais Yes Xus tsis yog Leej Pleev vim lawv twb tsis tau pom Es Lias rov nqes saum ntuj los.
Hnub no, Zam, Pob Zeb, thiab Yas Kos thiaj nug Huab Tais Yes Xus tias Es Lias twb tsis tau los. Puas yog lawv ua xyem xyav xyov Huab Tais Yes Xus puas yuav yog tus Pleev?
Kwv tij, Huab Tais Yes Xus hais rau lawv tias Es Lias yog tus yuav kho txoj kev kom ncaj thiab tiaj, ua ntej Leej Pleev yuav tuaj. Twb muaj ib tug tau ua zoo li ntawd, yog tus Ntxuav Plig Zam, nws tuaj ua kab ke ntxuav rau sawv daws thiab ntuas kom sawv daws hloov siab tshiab, tos Huab Tais Yes Xus.
Kwv tij Hmoob, lub caij Tos Huab Tais mas lub Koom Txoos qhia peb tias yog lub caij peb yuav npaj siab tos txais Huab Tais Yes Xus yug thiab tos Huab Tais Yes Xus los zaum ob. Yog li ua ntej yuav txog lub caij Yes Xus yug, cov Leej Choj thiaj ntuas sawv daws kom hloov siab tshiab, nyias npaj nyias txoj kev kom ncaj thiab tiaj cia Huab Tais Yes Xus taug tuaj nyob hauv nyias.
Kwv tij, peb yuav muab txoj kev sis nyiam sis hlub los ua av txhub peb txoj kev ua kwj ua hav kom tiaj, peb yuav muab peb lub neej los ua hlau kho peb txoj kev kom ncaj mog. Nyob zoo sawv daws.
Add new comment