Zaj nyeem hnub tim 21 lub 12 hlis 2023 (Daily reflection)

ZAJ NYEEM HNUB TIM 21 LUB 12 HLIS, HNUB NCO TXOG LEEJ NTSHIAB POB ZEB – NKAS NIS XYUS
COV LUS NYOB HAUV LUS KAS NTAWV MOO ZOO (LK 1: 39-45)
Cov kwv tij, thaum Mab Liab mus xyuas Es Lis Xas Npes, nws hais lus nyob kaj lug rau Es Lis Xas Npes, mas tus me nyuam nyob hauv nws plab dhia zoo siab.
Nyob hauv peb ne, peb puas yuav zoo siab vim tias tshuav 4 hnub lawm xwb, Tswv Ntuj Leej Tub yuav yug los, nws yuav tawm tuaj rau peb pom.
Thov kom peb sawv daws npaj ib qho chaw hauv nruab siab cia tos Tswv Ntuj Leej Tub tuaj yug nyob hauv peb lub neej mog, thov kom peb ua lom zem tos txais Tswv Ntuj Leej Tub tus tab tom yuav tuaj mog, thov kom peb tsa suab cav txog Tswv Ntuj lub koob meej thiab ua Tswv Ntuj tsaug mog. Nyob zoo sawv daws.