Yug los yog dab tsi?

Yug los yog dab tsi ?
Hnub tim 3 lub 12 hlis yog thawj Hnub Chiv hauv lub lis piam Caij Tos Huab Tais. Ntawm kuv nws yog lub caij muaj zog heev nyob hauv fab ntsuj plig, thiab tej zaum ntshe yog lub neej ua neeg ntseeg muaj qhov zoo txaus yuav nyob ruaj khov. 
Adventus “Kev yug los” ntawm Tswv Ntuj, nws yug los raws sij hawm, yog qhov tseeb thiab tam sim no nws nkag los nyob hauv peb lub siab. Tab sis peb kuj xav kom nws tuaj thaum lub sij hawm kawg ib yam nkaus. Qhov ntawd yog hais txog keeb kwm ntawm cov neeg ntseeg tas nrho. Tam sim no nws muaj hnub nyoog tshaj 2,000 xyoo lawm, nws kuj tseem muaj ntxiv mus tas zog thiab tsis muaj leej twg paub tias yuav ntev npaum cas.
Yuav ceev faj tas mus li, vim peb tab tom tos. Muaj qee yam uas tsis muaj qab hau rau lub neej no, peb xav tau yam uas peb tsis muaj. Kuv xav tias lub caij yug los no hu tas txhua yam los nyob hauv kuv lub siab. Coj txhua yam no los rau txoj kev xav thiab cov zaj nyeem nyob hauv thawj Hnub Chiv hauv lub Caij Tos Huab Tais, nws muaj zog heev thiab ua kom peb txawj tswj fab ntsuj plig. Tam sim no peb nyeem His Xais zaj ib, kuv xav kom nej sawv daws muab nej phau Ntawv Ntshiab tawm los puas tau ? His Xais zaj 2 thiab koj yuav pom daim duab zoo nkauj no, ua kom muaj kev xav ntau heev. Muaj ntau yam ua tawm nyob hauv kev kos duab thiab ua tawm los ntawm fab ntsuj plig nyob hauv ntau tiam neeg dhau los. Nws yog hais txog roob thiab mloog. Ib hnub tom ntej, Tswv Ntuj lub roob yuav rais ua lub roob siab tshaj plaws. His Xais yog tuaj ntawm Yes Lus Xas Les lub xeev Yus Das tuaj. Nws paub lub nroog ntawd zoo, vim lub nroog ntawd nyob saum ncov roob Xis Yoos. Qhov tseem ceeb dua ntawd, lub nroog uas yog Tswv Ntuj lub Tuam Tsev Teev Ntuj txhim nyob ntawm qhov cov His Xais Lais teev hawm. Qhov chaw uas pom tias yog Tswv Ntuj lub chaw nyob hauv ntiaj teb no raws qhov tseeb. “Tsis pes tsawg hnub tom ntej”, yog hais txog qhov siab tshaj ntawm txhua yam, nov yog lub roob siab tshaj plaws.
His Xais paub zoo tias nov tsis yog qhov tseeb uas hais tias Xais As yog lub roob siab tshaj plaws nyob hauv ntiaj teb no. Nws yog hais txog hauv fab ntsuj plig thaum ua tiav mus ib txhis thiab nov yog qhov nws lub ntsiab lus. Kev cav txog Tswv Ntuj yog qhov muaj nqis tshaj thiab yuav nyob siab tshaj txhua lub ncov roob. 
Lub roob siab tshaj plaws yog dab tsi ? Tam sim no txhua tus nkag siab lawm. Ntawm peb txhua tus muaj lub roob siab tshaj plaws, muaj chaw pe hawm thiab. Tej zaum yog koj lub teb chaws, nws yog kab lis kev cai ntawm koj, tej zaum yog koj tsev neeg kuj tsis muaj neeg paub. Qee yam los qee leej muaj nqis kawg, vim koj siv koj lub sij hawm mus ua koj lub neej kom zoo npaum li ntawd. Thov nco tias txhua yam uas kuv hais no, nws puav leej yog qhov zoo. Hnub tom ntej, yog qhov peb tos ntshis txog qhov Yes Xus yuav rov tuaj. Kev cav lus zoo ntawm Tswv Ntuj yog lub roob siab tshaj plaws, thiab sawv daws muaj kev cia siab txog qhov tos txais Yes Xus yug los. Kuv thov hais rau koj tias : nyob hauv 4 lub lis piam lub Caij Yes Xus Yug Los no, koj yuav ceev His Xais lub roob nyob hauv koj lub siab kom zoo.
Koj yuav teev hawm qhov twg ? Dab tsi uas muaj nqis rau koj tshaj plaws ? Kuv twb tau hais lawm tias Yes Xus xav tau tus Tswv Ntuj nyob hauv koj lub neej, tsis yog lub cev ntaj ntsug me me hauv koj lub neej, tsis yog daim duab sib txuas. Yes Xus xav ua tus tswv nyob hauv koj lub neej. Kev cav lus zoo txog Tswv Ntuj yog lub roob siab tshaj lod ? Lo lus nug uas zoo thiab yuav nug nyob hauv lub lis piam yug los no, peb yuav mloog His Xais piav ntxiv mus. Tas txhua txhia haiv neeg yuav tuaj nrhiav nws thiab hais tias : “Tuaj ma, tuaj peb nce mus saum Tswv Ntuj lub roob, mus rau Yas Kos tus Tswv Ntuj lub tsev.” 
Ntxiv mus no yog His Xais daim duab kom tau paub thiab yog haiv His Xas Lais ntiag tug uas tab tom nce mus saum lub roob Xis Yoos. Li ntawd tas tsoom His Xas Lais nyob thoob ntiaj teb thiaj tuaj rau hauv lub nroog Yes Lus Xas Les kom tau cav lus zoo. Nyeem cov Nkauj Paj Nruag qee zaj thiab muaj tej zaj Nkauj Paj Nruag hais txog kev nce mus saum lub roob Xis Yoos. Nws yog tej zaj nkauj uas hu thaum lub caij lawv tab tom mus saum lub roob Xais As. Tsis yog haiv His Xas Lais xwb, tab sis yog tas ib zeej tsoom neeg nyob ntiaj teb txoj kev cav lus zoo txog Tswv Ntuj. Yog ib daim duab zoo nkauj uas thaum Tswv Ntuj raug pe hawm, thaum lub roob Xis Yoos yog lub roob siab tshaj plaws, nws yuav muaj dab tsi tshwm sim ?
Txhua haiv neeg nyob hauv koj yuav tuaj sib sau ua ke, ces kuv thiaj muab qhov tseeb tiag nyob sab nraud los ua lub cim txog qhov tseeb sab hauv. Muab txhua yam los sib sau nyob ua ke ntawm cov lus cav txog Tswv Ntuj. Koj puas pom tias thaum peb hawm Tswv Ntuj nyob qhov chaw siab, mas peb pib tau txais kev sib haum xeeb.