Zaj nyeem hnub tim 1 lub 1 hlis 2023 (Daily reflection)

ZAJ NYEEM HNUB TIM 1 LUB 1 HLIS 2024 
HNUB HWM MAB LIAB, TSWV NTUJ LEEJ NIAM
COV LUS NYOB HAUV LUS KAS NTAWV MOO ZOO (LK 2: 16-21)
Kwv tij Hmoob sawv daws, hnub no mas lub Koom Txoos tshwj cia ua hmoov hwm Mab Liab ua Tswv Ntuj Leej Niam. Yog li mas nyob hauv lub Txoos Txi Ntuj, peb yuav tau mloog 3 zaj lus; xws li zaj lus hauv phau ntawv Xam Phaj (XP 6: 22-27) hais txog Huab Tais Tswv Ntuj txib kom cov Leej Choj foom hmoov zoo rau nws haiv neeg, zaj lus hauv Leej Ntshiab Paj Lug tsab ntawv sau mus rau cov ntseeg nyob Nkas Las Tias (NLT 4: 4-7) hais txog Tswv Ntuj Leej Tub yug ntawm ib tug poj niam los, mas peb thiaj tau kev ua Tswv Ntuj cov me nyuam, thiab lub Moo Zoo raws li Leej Ntshiab Lus Kas phau ntawv (LK 2: 16-21) hais txog cov zov yaj mus hwm tus me nyuam Yes Xus.
Tag nrho 3 zaj lus hauv lub Txoos hnub no, puav leej hais txog peb kev zoo siab xyiv fab vim tias txij hnub peb txais lub Cim Ntxuav mas peb txia ua Tswv Ntuj haiv neeg, ces Tswv Ntuj yuav foom hmoov zoo rau peb mus li; txij hnub peb tig los ntseeg Yes Xus mas peb tau ua Tswv Ntuj cov me nyuam, peb thiab Yes Xus yog kwv yog tij, peb thiaj yog niam Mab Liab cov me nyuam thiab ntag; txij hnub Yes Xus yug los ua neeg mas nws tau tuaj nyob nruab nrab hauv peb, mas peb thiaj tau kev cawm. 
Cov kwv tij Hmoob sawv daws, nyob hauv lub xyoo tshiab no, peb yuav khaws kev xyiv fab Huab Tais Tswv Ntuj pub rau peb no cia nrog peb nyob mus li, peb yuav muab ntxeev ua lub zog thiab peb lub neej kom taug nraim Leej Pleev txoj kev.
Nyob zoo sawv daws.