Zaj nyeem hnub tim 3 lub 1 hlis 2023 (Daily reflection)

ZAJ NYEEM HNUB TIM 3 LUB 1 HLIS 2024 
YES XUS LUB NPE NTSHIAB
COV LUS NYOB HAUV ZAM NTAWV MOO ZOO (ZM 1: 29-34)
Kwv tij Hmoob sawv daws, nag hmo tus Ntxuav Plig Zam hais rau cov neeg sawv daws tias nws yog tus tuaj npaj txoj kev rau tus yuav lawv nws qab tuaj. Hnub no peb yuav hnov tias Zam hais qhia rau tsoom sid tias Yes Xus yog tus neeg Zam tau hais txog. Zam hais cov lus ua pov thawj tias Yes Xus yog tus Yaj daws qab ntuj neeg cov txhaum.” Zam tseem hais tias tos nws paub li ntawd, vim nws pom Leej Ntuj Plig nqes los rau saum Yes Xus raws li cov lus nws tau hnov Tswv Ntuj hais rau nws tias yog nws pom Leej Ntuj Plig nqes los nyob saum tus neeg twg, mas tus neeg ntawd yuav yog tus Pleev.
Cov kwv tij Hmoob, nyob hauv lub zim txwv no, peb paub Huab Tais Yes Xus zoo vim peb ntseeg, tso siab, thiab nyiam Huab Tais Yes Xus. Tab sis muaj ntau zaus peb ua yuam kev, ua tej yam txhaum, mas peb yuav vam txog Huab Tais Yes Xus ua tus txhiv peb vim Huab Tais Yes Xus yog tus Yaj ris peb cov txhaum, tsuav yog peb pheej xeeb rau Huab Tais Yes Xus, tsis tso Huab Tais Yes Xus pov tseg.
Nyob zoo sawv daws.