Zaj nyeem hnub tim 4 lub 1 hlis 2023 (Daily reflection)

ZAJ NYEEM HNUB TIM 4 LUB 1 HLIS 2024 
HNUB TSIB LUB CAIJ YES XUS YUG LOS
COV LUS NYOB HAUV ZAM NTAWV MOO ZOO (ZM 1: 35-42)
Kwv tij Hmoob sawv daws, lub Moo Zoo hnub no piav tias thaum Zam ob tug thwj tim hnov Zam hais qhia nkawd tias Yes Xus yog Tswv Ntuj tus Yaj, mas nkawd raws Yes Xus mus, nkawd xav paub Huab Tais Yes Xus.
Huab Tais Yes Xus nug nkawd tias nkawd tab tom nrhiav dab tsi, nkawd teb tias yog nkawd nrhiav saib Yes Xus so nyob qhov twg.
Kwv tij Hmoob, Huab Tais Yes Xus tsis qhia tias nws so qhov twg, tab sis Huab Tais Yes Xus caw nkawd tias “Yog neb xav paub tias kuv so nyob qhov twg, mas neb tuaj mas, ces neb yuav pom!”
Lo lus ‘neb tuaj mas, neb yuav pom’ tsis yog lo lus caw nkawd mus xyuas Huab Tais Yes Xus chaw so xwb, tseem yog caw kom nkawd raws Huab Tais Yes Xus mus thiab; yog kom nkawd ua Yes Xus thwj tim!
Ntawv Moo Zoo piav ntxiv tias nkawd mus pom Huab Tais Yes Xus qhov chaw nyob, nkawd nrog Huab Tais Yes Xus tham, thiab nkawd kuj tau rov los qhia rau lwm tus paub txog Yes Xus thiab.
Qhov no kuj qhia rau peb tias thaum Huab Tais Yes Xus hu peb los ua nws thwj tim lawd, peb kuj yuav tawm mus qhia txog Huab Tais Yes Xus rau lwm tus paub thiab. Huab Tais Yes Xus yog Tswv Ntuj lub txiaj ntsim cawm neeg, yog li mas peb txhob muab npog cia ua peb ntiag tug xwb, peb tsum tau muab nthuav pub rau lwm tus thiab.