Zaj nyeem hnub tim 9 lub 1 hlis 2023 (Daily reflection)

ZAJ NYEEM HNUB TIM 9 LUB 1 HLIS 2024 
HNUB PEB LUB LIS PIAM 1 CAIJ NYOB NRUAB XYOO
COV LUS NYOB HAUV MAS KOS NTAWV MOO ZOO (MK 1: 21-28)
Cov Hmoob sawv daws, yog tias peb yog ib tug nyob hauv lub tsev txoos tau mloog Huab Tais Yes Xus qhia thiab pom Huab Tais Yes Xus ntiab tus dab tsis huv, mas peb kawg yuav ua zoo li tsoom sid sawv daws; yog ntshai thiab xav tsis thoob txog yam peb tau hnov thiab pom.
Tab sis niaj hnub nyem no, peb twb paub txog Huab Tais Yes Xus lawm tias nws yog Tswv Ntuj mas nws thiaj ua tau tas puas tsav yam vim muaj cov Hauv Paus Xa Lus tau ua tim khawv txog qhov ntawd, ces lawv sib qhia ib tiam qhau ib tiam los txog rau peb. Yog li mas peb thiaj tsis ntshai thiab ua xyem xyav zoo li cov neeg nyob koom lub caij nrog Huab Tais Yes Xus lawm.
Cov kwv tij Hmoob sawv daws, peb paub li no lawm, mas peb coj lub neej zoo li cas; peb puas ua neej mus raws lub Moo Zoo, peb puas khaws Huab Tais Yes Xus cov lus los kho peb lub neej, peb puas yoog raws li Huab Tais Yes Xus tus piv txwv, peb puas tau cov Leej Ntshiab txoj lw.
Los niaj hnub no, peb tseem ua lub neej nyob hauv kev phem kev qhias li yav thaud peb tseem tsis tau paub Huab Tais Yes Xus.
Nej xav mog!
Nyob zoo sawv daws.