NTHUAV NTAWV NTSHIAB COG QUB LUS 14

Nyob hauv ntu no yog hais txog Tswv Ntuj muab daim txiag zeb sau 10 lo lus rau Mais Xes coj los qhia cov His Xas Lais, thiab lawv tsis mloog Tswv Ntuj, lawv mus teev mlom nyuj.
Tswv Ntuj 10 lo lus yog li no :
1. Koj yuav tsis muaj lwm tus Tswv Ntuj.
2. Koj lam tsis txhob tuav txog koj tus Tswv Ntuj lub npe.
3. Koj yuav caiv Hnub Xya kom ntshiab.
4. Koj yuav hwm koj niam koj txiv.
5. Koj tsis txhob tua neeg.
6. Koj tsis txhob zes luag poj luag sev.
7. Koj tsis txhob ua tub sab tub nyiag.
8. Koj tsis txhob liam luv xaiv lus ncua rau luag.
9. Koj tsis txhob ntshaw tus ze koj tus poj niam.
10. Koj tsis txhob ntshaw yam twg uas yog luag tug.