TECHNOLOGY-TUB NTXHAIS HLUAS

Mus koom kev muab paj tshab rau cov rooj xov xwm uas lawv ua tau zoo thiab raug pej xeem siab, muaj ib lo lus uas ntxim siab hais li no : Technology mus deb npaum cas, tsis kav kev muab siab rau tsuag zuj zus. Yog vim li no cov tub ntxhais hluas nyem no puas yuav vam meej mus nrog Technology txheej tshiab tau. 
Raws kev soj ntsuam nyob hauv txhua txhua hnub, tsis hais hauv tuam ceeb Bangkok los yog lwm lub xeev, mas yam uas cov tub ntxhais hluas muab siab rau ua feem ntau yog qhov tias : ua ntej yuav pw thiab thaum sawv tsees saum txaj los, lawv yuav xub nthos lub xov tooj los kov facebook, kov line thiab youtube. Pom tau tias tej yam uas hais no tseem ceeb thiab muaj nuj nqis rau cov tub ntxhais hluas lub neej kawg. 
Tsis hais nyob hauv tsev kawm ntawv thiab kev sib sau qhuab qhia, mas pom tau tias Internet hloov cov tub ntxhais hluas tej siab ntsws lawm ntau. Internet pab kom lawv txawj tshawb fawb txog tej yam tshiab tshiab los pab lawv txoj kev kawm. Hais tau tias Technology thiab Internet muaj qhov zoo thiab qhov phem nyob sib xyaws. 
Qhov zoo yog qhov tias : Technology thiab Internet pab cov tub ntxhais hluas tshawb nrhiav tej yam tshiab tau sai, pab lawv txoj kev kawm tau zoo, pab lawv txawj sib txuas lus nrog lwm cov neeg, pab kom lawv paub txog xov xwm ntiaj teb thiab pab kom lawv paub txog kab lis kev cai. Qhov tsis zoo yog qhov tias : muaj kev yuam cai hla tib neeg txoj cai, nyias ua ywj nyias siab tsis muaj kev sib hwm, tau txais tej xov xwm cuav thiab tsim teeb meem kub ntxhov rau cov neeg nyob ib puag ncig. Vim li ntawd, ua ntej yuav tshawb fawb thiab yuav ntseeg ib yam twg, mas yuav xub xav txog tej yam no.
(1) Tej xov xwm yus hnov thiab pom, yog los qhov twg los ? Leej twg yog tus tshaj cov xwm ntawd ?
(2) Cov xov xwm yus hnov ntawd, puas txaus ntseeg ?
(3) Qhov xov xwm ntawd qhia dab tsi rau yus ?
(4) Xov xwm muaj dab tsi ua kom yus ntseeg ?
(5) Xov xwm tab tom tsim thiab qhia dab tsi rau tej pab pawg neeg ? Tas txhua yam hais no, yuav tsum yog yus tus kheej txawj xav, txawj cheem thiab txawj siv. Yog yus txawj siv mas Technology thiab Internet yuav pab kom yus txawj nrog tsev neeg ua tej yam zoo, nrog tej phooj ywg thiab cov neeg nyob ib puag ncig yus ua tej yam zoo, tej yam sov siab thiab muaj lub suab luag nyob hauv txoj kev sib haum xeeb. 
Tus sau : Lis Maib, Zoo Tswv Zov Yaj