TSHAJ TAWM TXOG KEV KAWM PAUB TXOG XOV XWM

Saib duab ntawm no : http://www.zootswvzovyaj.com/photo-albums/kawm-siv-social-media-nyob-zos-khej-me-hnub-tim-6-7-lub-7-hli-xyoo-2019/
Nyob zoo ib tsoom kwv tij Hmoob hmov tshua sawv daws, hnub no peb lub tshuab tshaj xo ‘Zoo Tswv Zov Yaj’ zoo siab rov tuaj ntsib sawv daws. Hnub no peb yuav tshaj me ntsis txog ib qho kev kawm muaj qab hau rau peb. Qhov no yog tus kev kawm hu tias ‘Kev paub txog xo vxwm rau cov haiv neeg me thiab neeg toj siab’.
Yog ib qho kev kawm uas lub koom haum As Nos Thais tsa los qhia sawv daws nyob hauv tsev teev Ntuj, hauv zos Khej Me rau xyoo tas los.
Tej zaud, muaj ntau leej twb mus koom kawm los lawm thiab, tiam sis muaj ntau leej tsis tau paub thiab hnov txog. Yog li nyob hauv hnub no peb lub tshuab tshaj xo thiaj yuav coj los tshaj rau sawv daws tau hnov ua ke.
Qhov kev kawm no yog kawm 4 zaug li nram no :
1. Yog hnub tim 6-7 lub 4 hlis, Txiv Plig As Nus Chas tuaj qhia txog yam muaj qab hau hauv xov xwm thiab lub tswv yim ntawm kev paub txog xov xwm.
2. Nyob rau hnub tim 4-5 lub 5 hlis, tus tswj tub ceev xwm Npas Yas hauv nroog Qham Qhaus tuaj hais txog kev cai lij choj fab xov xwm. Dhau ntawd, tus muam Yus Vaas Ntas qhia txog kev sib tham nyob hauv yus cuab yim neej, kev tham nrog lwm tus thiab kev sib tham nyob rau hauv lub ntiaj teb no. Nyob rau hnub tom qab, yawg Npas Yas piav rau sawv daws paub txog kev nrhiav xov xwm.
3. Hnub 6-7 lub 7 hli, yog cov tub ntxhais lis dej num hauv D-TAC tuaj qhia sawv daws siv cov xov tooj tshiab no nrhiav xov xwm thiab nrhiav lwm yam.
4. Yog hnub tim 7-8 lub 9 hlis, sawv daws los sib tham nrhiav tswv yim txog kev koom test iv thaiv yus lub zos kom txhob poob rau kev qaug quav tej xov xwm tsis zoo.
Cov kwv tij sawv daws, peb yuav pom tias qhov kev kawm no yog ib yam muaj qab hau kawg nkaus, tsis tas li txawm coj mus siv nyob hauv peb lub neej tau thiab. Yog tias nej leej twg xav paub ntau dua no thiab xav nug txog lwm yam no los hu xov tooj tuaj tau rau ntawm tus xov tooj no : 081-974-221 
Ua tsaug ntau.

Tus sau : Txawj Tsav Meej Mom Lauj, Zoo Tswv Zov Yaj