ZAJ NYEEM HNUB TIM 31 LUB 5 HLIS 2020

Hnub Nyoog Leej Ntuj Plig Nqis Los.
Yes Xus tawm los rau cov thwj tim pom thaum Tos Mas tsis nyob. (Z 20 : 19 – 23)
Tib hnub ntawd thaum tsaus ntuj, uas yog thawj hnub pib lub lis piam, cov qhov rooj hauv qhov chaw cov thwj tim nyob kaw tas, vim lawv ntshai cov Yus Das. Yes Xus los sawv hauv nruab nrab, nws hais rau lawv tias : "Nej nyob kaj lug." 
Thaum Yes Xus hais lo lus ntawd tas, nws muab nws ob txhais tes thiab nws phab tav rau lawv saib. Cov thwj tim pom Huab Tais, lawv zoo siab kawg. Yes Xus rov hais rau lawv tias : "Nej nyob kaj lug ! Kuv xa nej mus xws li Leej Txiv xa kuv tuaj." 
Yes Xus hais li tas, nws tshuab pa rau lawv, nws hais rau lawv tias : "Nej txais Leej Ntuj Plig Ntshiab. Nej daws txhaum rau leej twg, mas nws cov txhaum yuav daws. Nej tsis daws leej twg cov txhaum, mas nws cov txhaum yuav nyob."