ZAJ NYEEM HNUB TIM 21 LUB 6 HLI 2020

LIS PIAM 12 CAIJ NRUAB XYOOS.
Txhob ntshai, tab meeg hais. (MT 10 : 26-33)
Yes Xus hais rau pab kaum ob tias : “Nej txhob ntshai luag hem ! Vim tsis muaj ib yam npog rawv uas yuav tsis qhib tawm, tsis muaj ib yam zais ntshis uas yuav tsis tawm los rau sawv daws paub. Tej yam uas kuv hais rau nej hauv qhov tsaus ntuj, nej yuav hais tawm nruab hnub nrig. Hos yam nej hnov ntxhi rau hauv nej pob ntseg, mas nej yuav nce mus tshaj saum ruv tsev. 
Nej txhob ntshai cov neeg tua nej lub cev, tab sis lawv tua tsis tau nej tus plig. Nej yuav ntshai tus muaj peev xwm rhuav nej lub cev thiab tus plig hauv hav hluav taws. Ob tug noog tsig txhuv, luag tsuas muag tau ib npib xwb. Tsis kav, tsis muaj ib tug poob hauv av tau, yog nej Txiv tsis tso lus. Nej kuj ib yam li ntawd, tab yog nej cov plaub hau, nej Txiv yeej suav tas huv si lawm. 
Nej tsis txhob ntshai dab tsi mog, nej muaj nqis tshaj tej pab tsig txhuv coob coob ua ke. 
Leej twg lees rau sawv daws tias nws paub kuv, mas kuv kuj lees rau kuv Txiv nyob saum Ntuj tias kuv paub nws. Hos tus tsis lees rau sawv daws tias nws paub kuv, kuv kuj yuav tsis lees rau kuv Txiv nyob saum ntuj tias kuv paub nws.”