KEV TSHAJ NTUJ LUS HAUV THAIB TEB YOG IB QHO TSIS YOOJ YIM.

Txiv Plig Ntsos Mais Aws (Father Joe Meyer) yog ib tug Txiv Plig neeg As Mes Lis Kas. Tam sim no Txiv Plig Ntsos muaj hnub nyoog 80 xyoo. Nws yog tus tsim lub tsev Koom Haum txhim kho tib neeg tej siab ntsws thiab nws qhib thawj lub tsev kawm ntawv nyob hauv thaj tsam Khlong Toei, hauv tuam ceeb Npaas Koj. Txiv Plig Mais Aws raug xa tuaj ua hauj lwm tshaj Ntuj Lus nyob Thaib teb tau 49 xyoos lawm. Txiv Plig Mais Aws yog tuaj ntawm lub Koom Haum tus cawm seej tuaj. Nws tau txhim tsev kawm ntawv nyob hauv ib lub tuam ceeb uas muaj neeg nyob ib puag ncig li ntawm 15 plhom leej. Xyoo 1973 Txiv Plig kuj tau txhim ib lub tsev rau cov poj niam uas raug quab yuam thiab cov mob Aids, kom lawv muaj chaw nyob thiab tau so. Lub tsev ntawd muaj ib co Leej Phauj ua tus saib xyuas. Txiv Plig tau ua ib co hauj lwm tshaj Ntuj Lus pab neeg uas tsis yooj yim kiag li. Txawm li ntawd tsis kav Txiv Plig kuj ua siab ntev ua nws cov hauj lwm yam tsis tu ncua los txog niaj hnub nyem no. Lub Koom Haum tus cawm seej, tau ua ib co hauj lwm tseem ceeb thiab nto npe nyob As Xias toob fab naj, yam li nyob Thaib teb, Nyab Laj teb thiab Los Tsuas teb. Txiv Plig Mais Aws tuaj txog Thaib teb xyoo 1967, thiab nws npaj ua cov hauj lwm saib xyuas cov neeg raug quab yuam thiab raug tso pov tseg.