COV POJ NIAM TAU TXAIS MEEJ MOM NTAWM LAWV TXOJ HAUJ LWM.

Muaj ib co Leej Phauj tau ua ib txoj hauj lwm loj thiab lawv yog cov ntaus thawj. Vim lawv tau ua cov hauj lwm pab neeg nyob hauv lub caij tus kab mob Covid-19 sib kis, lawv pab cov neeg txom nyem uas lawv tsis tuaj yeem saib xyuas lawv tus kheej tau, thiab cov neeg uas lawv raug ntxias coj mus muag. Lawv yog cov Leej Phauj muaj lub siab dawb huv thiab khuv leej neeg, ces lawv ua zoo. Tab txawm li ntawd tsis kav lawv yog ib co poj niam, lawv lub zog muaj tsis txaus, ces niaj hnub lawv sab kawg. Leej Phauj Vas Kas hais tias : lawv hlub cov poj niam raug tso tseg thiab raug ntxias mus muag, vim cov poj niam ntawd lawv tsis yog leej twg, lawv yog cov me nyuam leej niam. Leej Phauj Vas Kas tau nrog ib co Leej Phauj sawv kev ntawm lub nroog Yes Lus Xas Les mus rau lub nroog Bergamo nyob Is Tas Lias teb, kom tau mus ua cov hauj lwm saib xyuas cov poj niam uas raug tso tseg tsis muaj chaw nyob. Nyob Convent hauv lub nroog Bergamo, muaj cov poj niam 60 leej kis tus kab mob Covid-19, thiab tuag 10 leej lawm. Leej Phauj Vas Kas hais tias : nyob hauv Convent tsis yog ib lub tsev tu cov neeg laus, ces thaum lawv mus txog tsis muaj ib yam toob xib dab tsi li. Lawv tsis muaj tsis pom qab yuav pab cov poj niam ntawd tiv thaiv tus kab mob Covid-19 li cas. Lawv pib yuav cov ntaub npog qhov ncauj qhov ntswg thiab hnab looj tes ntawm Hooj Koos. Ces zoo li txhua yam nyuab kawg, thiab yog ib qho kev qhia tshiab uas lawv tau txais los ntawm tus kab mob Covid-19. Yog vim cov Leej Phauj lawv txoj kev khuv leej, mas lawv tau ua ntau yam los pab tiv thaiv thiab saib xyuas cov neeg muaj mob.