ZAJ NYEEM HNUB TIM 29 LUB 7 HLI 2020

LIS PIAM 17 CAIJ NRUAB XYOOS
HWM LEEJ NTSHIAB MAS TAS.
Mas Tas thiab Mab Liab. (LK.10 : 38 – 42)
Thaum Yes Xus lawv taug kev, lawv mus txog hauv ib lub zos. Ib tug poj niam hu ua Mas Tas txais Yes Xus los hauv nws tsev. 
Tus poj niam ntawd muaj ib tug niam hluas hu ua Mab Liab. Mab Liab zaum ntawm Huab Tais ko taw, nws mloog Huab Tais hais lus. Hos Mas Tas rau siab ntso lis ntau yam qav num. Ces Mas Tas los hais rau Yes Xus tias : "Huab Tais, koj tsis quav ntsej tias kuv tus niam hluas cia kuv tib leeg lis qav lis num xwb lod ? Koj hais kom nws pab kuv thiab mas !" 
Tab sis Huab Tais teb rau Mas Tas tias : "Mas Tas, Mas Tas, koj txhawj thiab ua siab fab lis ntau yam, tab sis yuav tsum muaj tsawg, tsuas yuav tib yam xwb. Mab Liab xaiv tau qhov zoo tshaj, yuav tsis txhob muab tshem ntawm nws."