NIAM MAB LIAB NCE MUS SAUM NTUJ. (Assumption of Mary)

Hnub tim 15 lub 8 hli, Koom Txoos Kav Tos Liv ua hmoov hwm niam Mab Liab nce mus saum Ntuj.
Lub Koom Txoos ntseeg tias thaum niam Mab Liab tas sim neej, mas cov thwj tim coj nws lub cev mus tso hauv lub qhov ntxa. Hnub tom qab lawv rov mus tom qhov ntxa mas tsis pom niam Mab Liab tus qauv lawm. Cov thwj tim thiaj ntseeg tias yog Huab Tais Tswv Ntuj tsa niam Mab Liab thiab coj nce mus saum Ntuj lawm. 
Muaj ib tsab ntawv yog sau thaum tiam tsib yog phau ntawv hais txog niam Mab Liab, sau tias niam Mab Liab tuag nyob hauv nroog Yes Lus Xas Les. Cov thwj tim coj niam Mab Liab lub cev mus tso rau hauv ib lub qhov ntxa ces hnub tom qab Leej Ntshiab Tos Mas pom niam Mab Liab sawv los thiab nce mus saum Ntuj.
Hnub tim 1 lub 5 hli 1946, Vaj Qhia Pis Us tim 12 nrog cov Tswv Qhia thoob ntiaj teb sab laj saib pom zoo li cas txog qhov xwm no. Sawv daws pom zoo tias niam Mab Liab tau nce mus saum Ntuj tseeb tiag. Yog li xyoo 1950 Vaj Qhia Pis Us tim 12 thiaj sau ntawv pov thawj kom sawv daws ntseeg tias niam Mab Liab lub cev thiab tus plig nce mus saum Ntuj lawm tiag.