KOOM TXOOS KAV TOS LIV NPEES LAS DES TEB COG NTOO.

Lub Koom Txoos nyob Npees Las Deb teb sib koom ua cov kab ke cog 400,000 tsob ntoo nyob thoob Npees Las Des teb, uas yog ib xyoo ntawm Laudato Si. 
Kev cog xyoob ntoo no yog ua raws Vaj Qhia Fas Ntshis Kus cov lus Laudato Si 5 xyoos tag los. Muaj tus Tswv Qhia Liab, cov Tswv Qhia thiab cov Txiv Plig nyob hauv tuam ceeb Kas Thas sib sau sab laj thiab ua cov kab ke cog xyoob ntoo ntawd. Tswv Qhia thiab cov Txiv Plig thov kom tas cov neeg ntseeg nyob hauv 8 lub Cheeb Koom Txoos sib koom ua cov kab ke cog xyoob ntoo nyob hauv xyoo 2020 thiab 2021.  
Hnub tim 24 lub 5 hlis xyoo 2015, Vaj Qhia Fas Ntshis Kus tau sau cim tseg nyob hauv nws phau ntawv tias : thaum txwm 5 xyoos ntawm nws tsab ntawv, mas yog lub cim ntawm Laudato Si. Vim li ntawd, hnub tim 24 lub 5 hils xyoo 2020 no, thiaj yogh nub txwm 5 xyoos ntawm Vaj Qhia phau ntawv cim tseg Laudato Si. Xyoo no ua ib xyoo Laudato Si mus txog hnub tim 24 lub 5 hlis xyoo 2021. Tswv Qhia D’Rozario uas yog tus thawj tswj ntawm CBCB hais tias : xyoob ntoo muaj txiaj ntsim qab hau ua kom huab cua txias. Yog vim ntiaj teb neeg coob tuaj, ces thiaj ua rau tej hav zoov ntsuab xiab yav tag los ploj lawm ib nrab. Thaum xyoob ntoo muaj tsawg zuj zus, mas kuj ua teeb meem kub ntxhov rau lub ntiaj teb. Tus Tswv Qhia nyob hauv lub tuam ceeb Thas Kas thiaj hais tias : yog vim li ntawd, thov kom tib neeg nco ntsoov txog txiaj ntsim ntawm xyoob ntoo thiab sib pab txuag. Tus Tswv Qhia Liab vam tias sawv daws yuav muaj kev sib koom tes nrog lub ntiaj teb thiab lub Koom Txoos ntseeg nyob Npees Las Des teb yuav muaj feem cuam koom tes sib pab txuag kom muaj tej hav zoov ntsuab xiab tuaj. Qhov ntawd yog sawv daws yuav tsum txuag thiab sib pab cog xyoob ntoo kom ntau.