COV NTSEEG KAV TOS LIV NYOB KAS NTXAS TAAS

Tswv Qhia Mas Npis Es Las yog tus Tswv Qhia nyob hauv lub nroog As Mas Tis (Almati), nyob Kas Ntxas Taas teb (Kazakstan). Nws nyob Kas Ntxas Taas teb txij xyoo 1998 los txog tam sim no. 20 xyoo uas nws nyob Kas Ntxas Taas teb nrog ib pawg neeg ntseeg me me tsis coob, yam li cov neeg ntseeg yog 1 feem pua ntawm tas tsoom pej xeem Kas Ntxas Taas. Hais txog txoj kev ntseeg nyob Kas Ntxas Taas teb, mas hlob qeeb kawg. Tab sis Tswv Qhia Mas Npis Es Las hais tias : qhov zoo ntawm txoj kev ntseeg, mas yog nyob hauv cov neeg ntseeg txhua tus. Txoj kev ntseeg uas maj mam loj hlob nyob hauv cov neeg ntseeg, mas nws yog txoj kev ntseeg uas tau ntsib Tswv Ntuj tiag. Tsis yog los ntawm lub Koom Txoos uas nto npe nyob Vas Tis Kas, tab sis yog los ntawm cov neeg ntseeg lub siab uas lawv to taub txog Tswv Ntuj, ces zoo li txoj kev ntseeg maj mam loj hlob nyob hauv lawv nruab siab. Yog ib lub txiv uas txi muaj nqis tshaj txhua yam nyob hauv cov neeg ntseeg. 10 tug Tswv Qhia Kas Ntxas Taas uas mus tsham Vaj Qhia Fas Ntshis Kus, mas Tswv Qhia Mas Npis Es Las yog tus Tswv Qhia nyob hauv lub Cheeb Koom Txoos As Mas Tis thiab nws yog tus thawj tswj ntawm lub Cheeb Koom Txoos. Tswv Qhia hais tias : lub caij uas cov Tswv Qhia nyob Kas Ntxas Taas mus tsham Vaj Qhia, mas zoo li Vaj Qhia zoo siab kawg. Vaj Qhia ua kom kev tshaj Ntuj Lus nyob Kas Ntxas Taas teb tshwm nyob hauv tej ntawv xov xwm. Vaj Qhia hais tias : nod yog lub Koom Txoos txoj kev tshaj Ntuj Lus uas Txiv kheev kheev hais txog. Vaj Qhia muaj kev zoo siab, vim sawv daws tab tom tham txog txoj kev tshaj Ntuj Lus yam kub siab lug. Kev sib txhawb nqa thiab kev ntxhov siab, txhua yam no puav leej yog nyob hauv txoj kev tshaj Ntuj Lus. Lub teb chaws Kas Ntxas Taas muaj tsoom pej xeem tas nrho 18 plhom leej thiab muaj ntau txoj kev teev hawm nyob sib xyaws. Tsoom pej xeem feem coob yog teev hawm Mawv Xis Lim thiab Os Thos Das sab hnub tuaj.

Tswv Qhia Mas Npis Es Las hais tias : lub teb chaws sib koom ua ib tug, saib kev thaj yeeb yog qhov tseem ceeb thiab muaj kev sib koom siab, mas yog thawj yam muaj nqis tshaj.