COV NTSEEG NYOB IS LAV TEB TXOJ KEV CIA SIAB TAB TOM PLOJ.

Cov haiv neeg tsawg uas lawv coj kev ntseeg, tab tom yuav rov txeeb lawv tej poj yawm txwv koob li ciam av. Tau 3 xyoo los lawm uas tsis hnov muaj suab phom nrov nyob hauv lub nroog Mos Xus uas yog ib lub nroog qub nyob Is Lav teb. Tab txawm li ntawd tsis kav cov yeeb ncuab tseem npaj lub siab yuav tsa tej tus thawj coj ntawm txoj kev teev hawm, ces cov neeg ntseeg uas yog cov haiv neeg tsawg lawv muaj cai yuav rov txeeb lawv tej poj yawm txwv koob li ciam av. Ntawv xov xwm tshaj tias muaj cov IS li ntawm 10,000 leej tab tom sib sau nyob Is Lav thiab Xis Lias teb, raws li lawv tus thawj coj uas yog tus yeeb ncuab ntawm lub Leej Haum Kuj cov lus nqua hu. Ces cov IS uas raug kaw nyob Is Lav teb thiab Xis Lias teb lawv muaj kev cia siab thiab lub Leej Haum Kuj pib txhawj txog kev ruaj ntseg nyob hauv 2 lub teb chaws. 
Txij lub 6 hli xyoo 2004 los, cov IS tau tsa tej tug thawj coj ntawm cov kev teev hawm nyob Is Lav teb thiab Xis Lias teb. Cov IS hais tias tej tus thawj coj ntawd yog cov coj cov neeg ntseeg li ntawm 20,000 leej khiav tawm ntawm lub nroog Mos Xus uas nyob Is Lav qaum teb mus lawm. Tsoom pej xeem Is Lav uas coj kev ntseeg feem coob, yog cov nyob hauv nroog thiab nyob sab hnub tuaj uas siv xeem lus As Las Mes. Is Lav teb muaj cov neeg ntseeg los ze ntawm 2,000 xyoo lawm. Tab sis feem coob cov neeg ntseeg nyob Is Lav teb lawv txoj kev ntseeg yog txuam kev cai dab qhuas ntawm lawv haiv neeg ntau dua. Nws tsis thooj li txoj kev ntseeg nyob Los Mas.