LOS TSUAS TEB PIB VAM MEEJ.

Cov qhov kev tsheb nqaj khiav chaws roob ntawm txoj kev tsheb nqaj hlau Khunming- Vientiane, ua tiav tag lawm. Nyob ntawm txoj kev tsheb nqaj ntawd muaj ntau ntu yog toj ntxhab com kawb thiab ua roob hav tob heev. Ces yuav tsum tau tho roob rau tsheb khiav hla chaws. Xam tas cov qhov roob uas tho ntawd huv si yog 9 km. 
Cov tub zog txhim kev tsheb tau siv 1,200 hnub los khawb cov qhov kev chaws roob ntawd. Thawj lub qhov kev uas tho chaws roob nyob Suav teb, yog nyob hauv lub nroog Ceej Hoom, hauv lub xeev Yeej Naj (Yunnan). 
Txoj kev tsheb nqaj hlau no yog pib txij ntawm lub nroog Khunming nyob Suav teb txog rau lub tuam ceeb Vientiane nyob Los Tsuas teb. Xam huv si qhov ntev ntawm txoj kev tsheb nqaj yog 508 km. Lub tsheb nqaj yuav khiav 1 teev yog 160 km. Cov pej xeem Suav nyob Khunming yuav mus rau Xiv Xoom Pas Nas (Sipsongpanna), mas tsuas yog siv sij hawm caij tsheb nqaj 3 teev xwb txog lawm.