COV NTSEEG NTUJ THIAB COV MAWV XIM LIM KOOM TES TU NTUG HIAV TXWV

Hnub tim 3 lub 9 hlis no, cov neeg ntseeg Kav Tos Liv thiab cov Mawv Xis Lim tau sib koom tes hais txog sib pab txhim kho “Season Of Creation”. Xyoo no yog cheb thiab khaws tej yam sw sw qias neeg nyob hauv lub pov txwv Pas Las Vas, nyob Fis Lis Pees teb. Yam li cheb khaws thiab tu tej ntug kev hauv lub nroog, tu ntug dej hiav txwv kom hu si. Pas Las Vas (Palawan) yog ib qho chaw uas ib zeej tsoom neeg nyiam mus ncig tsham heev, vim tias nyob hauv lub pov txwv Palawan muaj ntau hom tsiaj thiab muaj tiaj suab puam zoo nkauj kawg. Xyoo 2017, Palawan nto npe tias yog lub pov txwv zoo nkauj tshaj plaws nyob hauv ntiaj teb no raws li tsab ntawv xov xwm ncig tshaj teb chaws (Travel+Leisure) hais. Vim muaj tej nroj tsuag ntsuab xwb xiab thiab muaj ntau yam tsiaj qus tsis hais nruab nqhuab los nruab deg. Lub pov txwv Palawan nto npe yog hauv qab thu dej thiab tej chaw da dej. Kev sib koom tes thiab cheb tu txhua yam kom ntshiab huv yog Season Of Creation uas tas ntiaj teb nyuam qhuav pib nqis tes ua raws li Vaj Qhia Fas Ntshis Kus cov lus hais, kom tau pab huab cua thiab nrog tsuag nyob hauv lub ntiaj teb no rov zoo tuaj. Txiv Plig Mes Xis Os Nas (Messiona) hais tias : kev sib koom tes zaum no yog ib qho me me ua raws Vaj Qhia cov lus xwb. Tsis tas li ntawd, kev sib koom tes tu peb lub nroog kom huv tuaj, kuj yog peb ua kom peb zoo thiab luag tej saib peb zoo xwb. Fis Lis Pees teb zoo li yog ib lub tsev loj loj rau peb nyob, tsis hais haiv neeg twg, txoj kev teev hawm twg, los thov kom sawv daws sib koom tes ua qhov zoo. Kev saib xyuas lub ntiaj teb thiab nrog tu kom zoo nkauj, yog qhov uas neeg tsim nyog ua. Tswv Qhia Mes Xos Nias (Mesonia) hais tias : “Kev sib koom ntawm cov hauj lwm no, yog ua los qhia tsoom pej xeem Fis Lis Pees cov ntseeg thiab tsis ntseeg, kom sawv daws pom thiab paub txog tej kab lis kev cai uas raug tso pov tseg nyob rau lub zim txwv no”.