AUS THAS LIAS TEB HUAB CUA HLOOV

Lub lis piam tag los, ntuj tau los nag hlob heev nyob hauv ntau thaj tsam nyob Aus Thas Lias teb. Nyob hauv lub xeev New South Wales uas yog lub xeev raug hluav taws qus kub loj tshaj plaws, tam sim no cov hluav taws ntaug zog lawm. Tab sis Aus Thas Lias teb kuj ntsib teeb meem huab cua hloov, ces ntuj kuj los nag hlob thiab muaj lawg poob loj heev, ua rau tej iav tsheb thiab vaj tse qhov rais tawg piam sij lawm ntau kawg. Cov tub pwm tsav nyob hauv lub xeev Victoria hais tias : cov dej nag uas poob saum ntuj los ua kom cov hluav taws qus tuag lawm ntau, tab sis ntuj tsis yog los nag xwb, tseem muaj lawg poob los thiab, ces ua rau cov tub tua hluav taws ntsib teeb meem loj kawg. Muaj qee thaj tsam av xaub thiab toj pob, cov niam dej mas dej nce siab kawg. Txawm li ntawd, tsis kav cov hluav taws qus kuj tseem tsis tau tuag thiab. Ua rau muaj pa taws ncho ua iab oo ri mus kav ib cheeb tsam dav kawg. Ces cov tseem hwv Aus Thais Lias yuav tsum nrhiav kev daws cov teeb meem no kom sai li sai tau. 

Tus txhais : Lis Maib, Zoo Tswv Zov Yaj