COV HNAB ROJ HMAB HAUV HIAV TXWV MUAJ NTAU DUA NTSES

Nyob hauv hnub World Ocean Day 2019 dhau los, hais txog cov hnab roj hmab nyob hauv hiav txwv, mas pom tau tias tam sim no tab tom ua teeb meem loj. Vim tias cov hnab roj hmab uas nyob hauv hiav txwv 90% yog cov hnab roj hmab uas raug pov tseg hauv hiav txwv thiab tsis tau coj mus ua dua tshiab. Cov hnab roj hmab uas nyob hauv hiav txwv tam sim no yog 8 plhom taas (tons).
Yog yuav cia zoo li no ntxiv mus, mas txog xyoo 2050 yuav muaj cov hnab roj hmab no nyob hauv hiav txwv li ntawm 4 npaug, los sis ntau dua cov ntses nyob hauv hiav txwv. Nyob Thaib teb, mas txhua txhua xyoo muaj tej nyuag toob xib qias neeg uas neeg muab pov tseg li ntawm 27 plhom taas, tab sis 2 plhom taas yog hnab roj hmab. Txhais tau tias ib tug pej xeem Thaib pov tej yam qias neeg ib hnub 1 kg. Hos hnab roj hmab mas ib tug neeg pov 8 txog 10 lub nyob hauv ib hnub. Tam sim no nyob Thaib teb cov tsev Koom Haum tsim toob xib tsim cov hnab roj hmab 45,000 plhom lub. Vim li ntawd, cov tseem hwv Thaib thiaj muaj txoj cai los rhuav tshem txoj kev pov tseg hnab roj hmab txij xyoo 2018 mus txog xyoo 2030, uas yog siv 12 xyoos los cheem kom sawv daws txhob siv hnab roj hmab. Xyoo 2019 tsaib no, tseem hwv thiaj muaj txoj cai tsis pub siv hnab roj hmab, tsis pub siv cov tais thoob huab ntim zaub mov, tsis pub siv cov khob roj hmab uas siv ib zaug xwb muab pov tseg thiab cov pas nqus dej uas yog roj hmab lawm. Kom txog xyoo 2022, mas nyob Thaib teb txhob siv tej hnab thiab tej twj roj hmab ntxiv lawm. Nyob hauv tej tuam khw, mas pib siv hnab ntaub los ntim toob xib lawm xwb.
Tus txhais : Lis Maib, Zoo Tswv Zov Yaj