Cov neeg ntseeg Fis Pees Lis qhib cov kab ke “Hav xyoob” kom tau pab tiv thaiv kev huab cua pauv ntxeev.

Saturday, December 03, 2022

Pab neeg ua hauj lwm pab lub Koom Txoos Kav Tos Liv nyob Fis Lis Pees teb qhib cov kab ke “Hav xyoob” hnub tim 8 lub 10 hli tag los nyob thoob teb chaws, kom tau pab tiv thaiv qhov uas huab cua pauv ntxeev.

“Nod yog ib feem me me uas peb tau pab txuag txhua yam nyob ib puag ncig”.

Yog Tswv Qhia Jose Colin Bagaforo cov lus hais nyob hauv cov kab ke qhib, nyob La Mesa Dam Nature Reserve Ecopark, nyob tuam ceeb Mas Nis Las.

Muaj cov tub caij tsheb kauj vab li ntawm 1,000 leej tuaj sib koom nrog “Caritas Bike for Kalikasan (Nature)” ua ntej yuav qhib cov kab ke.

Cov xwm txheej no yog qhov loj thiab siab tshaj ntawm lub caij txhim kho nyob hauv xyoo no. Cov ntaus thawj hais tias lawv txiav txim siab cog xyoob, vim tias nws muaj txiaj ntsim qab hau rau hav zoov thiab kev lag luam.

Kev cog xyoob no, xav tias yuav cog li ntawm 5 plhom tsob xyoob nyob hauv 8 lub Cheeb Koom Txoos Kav Tos Liv nyob thoob teb chaws thiab siv sij hawm li ntawm 5 xyoos los cog. Vim cov xyoob cog tshiab yuav pab nqus Carbon dioxide tau li ntawm 2 tons nyob hauv 7 xyoo. Lwm hom ntoo mas 40 xyoo tsuas nqus tau Carbon dioxide li ntawm 1 ton xwb. Kev soj ntsuam tseem pom tau tias 1 hev taj xyoob, tuaj yeem khaws tau Carbon dioxide li ntawm 306 tons nyob hauv 60 xyoo.